ئارتێشا ئیراقێ، ل دهربارا رهوشا شهنگالێ داخویانی دا و راگهاند كو لهشكهرهكێ وان د پهڤچوونا ب ئالیگرێن یهبهشێ ره ل شهنگالێ بریندار كهتییه.
شانهیا راگهاندنا ئهولههیێ یا ئیراقێ ئیرۆ 12/12/2021ێ داخویانی ل دهربارێ ئالۆزی و پهڤچوونا ل نێڤبهرا ئارتێشا ئیراقێ و یهبهشێ یا گرێدای پهكهكێ چێبوویه دا و دهست نیشان كر كو ب سهدهما تهقه كرنێ و ئاڤێتنا مۆلۆتۆفان، لهشكهرهكێ ئیراقێ بریندار كهتییه.
ههروهها دیار كر، لهشكهرێ كو بریندار كهتی، ژ فرقهیا 20 یا ئارتێشا ئیارقێ یه و ئهو ئیرۆ ژ بۆ پاراستنا جانێ خوهپێشاندێران گههشتبوو ناڤچهیێ.
د داخویانییا شانهیا ئهولههیێ دا هاتییه كو ئهو دێ لێپرسینێ ل دهربارا تهقهیا ل ئارتێشا ئیراقێ و ئاڤێتنا مۆلۆتۆفان دهست پێ بكهن.