رێخستنا مافێن مرۆڤان یا عه‌فرینێ راگه‌هاند کو چەکدارێن گرووپا حەمزات یێن گرێدایی ترکیێ، باجێ ل سەر جۆتکارێن گوندێن کورد فەرز دکه‌ن.
رێخستنا مافێن مرۆڤان یا عه‌فرینێ راگه‌هاند کو چەکدارێن گرووپا حەمزات یێن گرێدایی ترکیێ باجێ ل سەر جۆتکارێن کورد یێن گوندێن برج عەبدالۆ، باسووتێ و کورزێلێ یێن سەر ب باژارۆکێ شێراوا ڤە فەرز دکه‌ن و ب زۆرێ پەرەیان ژ وان دستینن یان دەستێ خوە د داننه سەر باخ و بیستانێن وان یێن فێکی و زەیتوونان.
ل گۆری هەمان رێخستنێ، چەکدارێ ب ناڤێ عابۆ جابر کو سەرکردەیەکی گرووپا حەمزاتە، 4 هەزار دۆلار وەک باج ل سەر وەلاتیێ ب ناڤێ عەلی خالد فەرز کرییە، تەڤی کو عەلی خالد گازنده ل جەم سەرکردەیێ گشتی یێ وێ گرووپێ، سەیف ئەبو بەکر تۆمار کرییە لێ ب گەفا چەکان و کوشتنێ، نەچار مایە وان پەرەیان بدەت.
د داوییا داخویانیبا خوە دا، رێخستنا مافێن مرۆڤان یا عه‌فرینێ دبێژیت تەڤی کو ئەڤ دەمەکە کۆمیتەیا ب ناڤێ “ڤەگه‌راندنا مافێ ستەملێکرییان” کارێ خوە ل عه‌فرینێ دکەت، لێ هەتا نها تەنێ ژ %5ێ مال و ملکێن خەلکێ باژارۆکێ شیێ یێن کو ژ ئالیێ چەکداران ڤە هاتبوون دزین، هاتنە ڤەگەراندن.
