ل چیایێ باگۆکێ یێ نسێبینێ تەڤگەرا لەشکەری به‌رده‌وامه‌  

ل بەژاهییا چیایێ باگۆکێ یێ ناڤچەیا نسێبینێ یا مێردینێ چەند رۆژن تەڤگەرا لەشکەری یا ئارتێشا تركیێ لێ به‌رده‌وامه‌.

ئیرۆ رۆژا دوشه‌مبی 13/12/2021ێ دبیته‌ رۆژا سێیه‌می كو ئارتێشا تركیێ لەشکەر و تیمێن تایبەت ل هەرێمێن نێزی جهێن سڤیلان یێن ل به‌ژاهییا چیایێ باگۆكێ یێ گرێدای ناڤچه‌یا نسێبینی یا پارێزگه‌ها مێردینێ ل باكورێ كوردستانێ سەکناندنه‌.

 چاڤکانیێن هەرێمی راگهاندبوون کو بەرییا دو رۆژان چیایێ باگۆكێ هاتییە بۆمبەباران کرن، ئیرۆ ژی، هەلیکۆپتەر ل ئاسمانێ هەرێمێ دگەرن.