ژ هه‌په‌گێ و تركیێ ئامارا كوشتییان

pkk vs turkey army-gerila-

ئه‌ڤ ده‌ما حه‌فتییه‌كێ یه‌، نووچه‌یێن زرارێن جانی یێن گه‌ریلا و ئارتێشا ترك تێن پارڤه‌كرن، ل گۆری په‌كه‌كێ 11 عه‌سكه‌ر و ل گۆری تركیێ 15 گه‌ریلا هاتنه‌ ئارمانج گرتن.

هه‌په‌گێ، ئیرۆ رۆژا دوشه‌می 13/12/2021ێ داخویانی دا و راگهاند كو گه‌ریلایان ل رۆژا 10/12/2021ێ، 3 عه‌سكه‌ر ل خواكوركێ جه‌زا كرنه‌، هه‌په‌گه‌ زاراڤێ «جه‌زا كرن» ب كارتینه‌ و نایێ زانین كانێ ب واته‌یا كوشتن یان بریندار كرنێ تێ.

هه‌روه‌ها ل رۆژا 9/12/2021ێ، هه‌په‌گێ ناسنامه‌یا 8 گه‌ریلایان ئه‌شكه‌ره‌ كر كو ل دێرسمێ ژیانا خوه‌ ژ ده‌ست دانه‌، ل هه‌مان رۆژێ گۆ مه‌ 8 عه‌سكه‌ر ل زاپێ جه‌زا كرنه‌.

ژ هێلا خوه‌ ڤه‌، د 3 داخویانیێن جودا ده‌، ئارتێشا تركیێ د ده‌ما حه‌فتییه‌كێ ده‌ كوشتنا 13 گه‌ریلایان و دو فه‌رماندارێن په‌كه‌كێ راگهاندییه‌.

ده‌وله‌تا تركیێ و رێخستنا په‌كه‌كێ هه‌ر ل ناڤبه‌را چه‌ند رۆژان ئامارێن زرارێن جانی یێن هه‌ڤ پارڤه‌دكن، لێ به‌لێ نه‌زلاله‌ كیژان ئامار راستن، لێ به‌لێ تشتێ راست ته‌نێ ئه‌ڤه‌ كو گه‌لێ باشوورێ كوردستانێ زه‌ره‌مه‌ندێ سه‌ره‌كی یێ ڤی شه‌ری یه‌ كو ب سه‌دان گوندێن وان كرنه‌ ناڤچه‌یێن عه‌سكه‌ری و ژیان ل وه‌لاتیێن گوندان پڕ زه‌حمه‌ت كرییه‌.