چەکدارێن پەکەکێ دەست ب کوشتنا کەرێن خەلکی کر!
ل گۆر ئاگاهیان، ئاساییشا پەکەکێ ل گەندێن قونتارا چیایێ قەندیلێ دەست ب ترساندنا خەلکێ وێ ناڤچەیێ و کوشتنا دەوارێن وان کرییە.
چاڤکانیێن پێگەها دارکا مازی ل باشوورێ کوردستانێ ئاشکەرا کر، ئاساییشا پەکەکێ ل نێزیکی زالگەها کورتەک ل رۆژا 5/11/2021ێ گولـلە بەردانە دەوارێن خەلکێ کورتەکێ و کەرێن هەر یەک ژ ولاتی، محەمەد حاجی شێخە و ئیبراهیم عەبدوللا کوشتینە.
چاڤکانیێن پێگەها مە هەر وەها ئاشکەرا کرن، پەکەکێ گۆتییە خەلکێ ڤێ ناڤچەیێ کو ب چ ئاوا نابیت نێزیکی وان هەرێمێن د بن کۆنترۆلا وان دا ببن.
هەر وەها چاڤکانیێن مە ئاشکەرا کر، ئەڤە دەمەکە کو پەکەکە گەلەک ب هەستیاری و توندی لگەل خەلکێ گوندێن قونتارا چیایێ قەندیلێ سەرەدەریێ دکەت، ب ئاوایەکێ کو پەکەکە خوە تەلەفۆنێن شڤانێن ڤێ هەرێمێ ژ وان دستینیت و ب هووری کۆنترۆل دکەت.
هات زانین کو پەکەکێ تەلەفۆنێن هەموو شڤانێن گوندێ دوو گومان کو ب مەرەما چەراندنا تەرش و کەوالێ خوە سەرەدانا کویستانێن قەندیلێ کرنە ژ وان ستاندینە، پاش کو تەلەفۆنێن وان هاتینە کۆنترۆلکرن، چەکدارێن پەکەکێ گەلەک ب توندی لگەل وان ئاخافتینە و بێرێزی ب شڤانان کرییە.
ناڤێن هندەک ژ وان شڤانێن کو پەکەکێ تەلەفۆن ژ وان ستاندین و بێرێزی ب وان کری ئەڤەنە:
مینە رەسوول مام باپیر.
خدر سیوائەدین حەسەن.
حاجی حاجی براهیم.
نەبی حاجی رەسوول.
