چه‌ته‌یێن ترکیێ کالەمێرەکی 85 سالی یێ كورد و کچا وی ئه‌شکەنجە کرن

راجو-1-raco

كۆمێن چه‌ته‌یێن گرێدای تركیێ ل راجۆ یا ناڤچه‌یا عه‌فرینێ ل رۆژئاڤا كوردستانێ، كاله‌مێره‌كێ 85 سالی یێ كورد و كچا وی ئه‌شكه‌نجه‌ كرن و مالا وی ژی تالان كر.

رێخستنا مافێن مرۆڤان یا عه‌فرینێ راگه‌هاند، رۆژا دوشەمبێ 13 کانوونا 2021ێ چەکدارێن فرقەیا حه‌مزات یا گرێدای تركیێ، ل گوندێ چۆبانا یێ سەر ب ناڤچه‌یا راجۆ یا عه‌فرینێ ڤه‌، ب سه‌ر مالا وه‌لاتیێ كورد مەمۆ مەمۆ، یێ 85 سالی دا گرتن.

ده‌ست نیشان كر، چەکداران پاش كو ئه‌شكه‌نجه‌ ل وی كاله‌مێری و کچا وی یا 40 سالی كرن، زێرێن كچا وی دزین كو ب قاسی 150 گرامان بوون.

رێخستنێ دیار کرییە، چەکداران گەلەک ب دژواری ل کچکێ دانە و ب کولم و زلەیان لێ خستنە و ئەو ئه‌شکەنجە کرییە.

ل گۆری رێخستنا مافێن مرۆڤان، د سالا 2018ێ ژی دا ئەو كاله‌مێر رووبروویی هێرشه‌كا هه‌مئاوا ژ هێلا چه‌ته‌یێن تركیێ یێن ژ كۆما فەیلەق ئەل – شام ببوو، ل وێ دەمێ ژی ب توندی ل کچا وی دان و زێدەتر ژ 600 ھەزار لیرەیێن سووری ژ مالا وان بربوون.

پوستێن ھەمان بەش