په‌كه‌كه‌ ل‌ چیایێ قه‌ره‌چووغ هاریكارا داعشێ یه‌‌

په‌كه‌كه‌ ل‌ چیایێ قه‌ره‌چووغ هاریكارا داعشێ یه‌‌

رێخستنا په‌كه‌كێ ژ بۆ كو فشارێ بێخیته‌ سه‌ر حكوومه‌تا باشوورێ كوردستانێ، ل چیایێ قه‌ره‌چووغ هاریكارییا ته‌رۆریستێن داعشێ دكه‌ت‌.

بسپۆرێ له‌شكه‌ری محه‌مه‌د سابر د داخویانییه‌كێ دا‌ ژ بۆ كه‌نالا كوردستان 24ێ راگه‌هاند، چه‌كدارێن رێخستنا په‌كه‌كێ ژ بۆ كو فشار و زه‌ختێ بێخن سه‌ر حكوومه‌تا باشوورێ كوردستانێ، ئه‌و ل سنۆرێ چیایێ قه‌ره‌چووغێ هاریكارییا ته‌رۆریستێن داعشێ دكه‌ن.

ده‌ست نیشان كر، په‌كه‌كه‌ ل قه‌ره‌چووغێ چ دكه‌ت‌، ئه‌و ناڤچه‌ نها مه‌یدانا شه‌رێ داعشێ یه‌ و هه‌بوونا په‌كه‌كێ و هه‌ر هێزه‌كا‌ دی ل وێرێ دچیته‌ د چارچووڤه‌یا هاریكارییا ته‌رۆریستان دا‌، ژ بۆ كو فشار و زه‌خت بكه‌ڤیته‌ سه‌ر حكوومه‌تا باشوورێ كوردستانێ.

گۆت ژی: ڤالاهییا ئه‌وله‌هیێ یا كو ل چیایێ قه‌ره‌چووغ چێبوویه‌، ب سه‌ده‌ما هه‌بوونا چه‌كدارێن په‌كه‌كێ یه‌.

ژ هێلا خوه‌ ڤه‌، كۆسره‌ت میران چاڤدێرێ سیاسی راگه‌هاند، مه‌یدانا راستین یا خه‌بات و ته‌كۆشینا په‌كه‌كێ باكورێ كوردستانێ یه‌.

گۆت ژی: په‌كه‌كه‌ بوویه‌ سه‌ده‌ما چێبوونا گه‌ف و هێرشان ل سه‌ر هه‌رێما باشوورێ كوردستانێ و هه‌روه‌ها به‌هانه‌یان دده‌ته‌‌ ده‌وله‌تێن هه‌رێمی كو هێرشان بینن سه‌ر ڤێ هه‌رێمێ.

ل ئالیێ دی ڤی چاڤدێرێ سیاسی ئاماژه‌ كر كو رێخستنا په‌كه‌كێ هه‌روه‌ها بوویه‌ سه‌ده‌م كو هه‌یا نها په‌یمانا شه‌نگالێ یا ژ بۆ ئاساییكرنا ره‌وشا شه‌نگالێ و ڤه‌گه‌را كۆچبه‌رێن وێ، نه‌هێته‌ جێبه‌جێ كرن.

هێژای گۆتنێ یه‌، ل رۆژێن رابووری هێزا پێشمه‌رگه‌هێن هه‌رێما كوردستانێ و هه‌روه‌ها وه‌لاتیێن باشوور ل ناڤچه‌یێن نێزی چیایێ قه‌ره‌چووغ، راستی هێرشا ته‌رۆریستێن داعشێ هاتن و ته‌نێ د دو مه‌هێن رابووری دا، پێتری 20 پێشمه‌رگه‌ و وه‌لاتیێن سڤیل شه‌هید كه‌تن، ئه‌ڤ یێك ل ده‌مه‌كێ تێ كو هه‌ژماره‌كا‌ نوقته‌ و باره‌گه‌هێن رێخستنا په‌كه‌كێ ل سه‌رێ چیایێ قه‌ره‌چووغێ هه‌نه‌.