یهكێتییا ئەورۆپا بریار دا هەڤدیتنێن ل گەل ترکیێ یێن ئەندامتییا د یهكێتیێ دا کو هاتبوونه راگرتن، وەک خوە بمینن و دبێژیت: «چهند پاشتره، ترکیە ژ یهكێتییا ئەورۆپا دوورتر دكهڤیت».
یهكێتییا ئەورۆپایێ د جڤینا ئامادەکارییا لووتکەیا سەرکردەیان دا، بریار دا کو هەڤدیتنێن ئەندامبوونا ترکیێ بۆ یهكێتییا ئەورۆپایێ یێن كو هاتبوون راگرتن وەک خوە بمینن.
د بریارێ دا کو ل کۆنسەیا کارێن گشتی یا یهكێتییا ئەورۆپایێ هاتییە دان دهێته گۆتن، د هەڤدیتنان دا نەقۆناغەکا نوو دهێته دەستپێکرن و نهژی قۆناغا هەیی ب تهمامهتی دهێته بداوی کرن.
د بریارێ دا بنپێکرنا پەیمانا یهكێتییا گومرکێ ل گەل یهكێتییا ئەورۆپا ژ ئالیێ ترکیێ ڤە هاتییە شەرمەزار کرن و بنپێکرنا مافێن مرۆڤی یێن ل ترکیێ ژی هاتنە رەخنە کرن، ههروهها پاشدەچوونا ترکیێ د مژارا مافێن بنگەهین و دەمۆکراسیێ دا.
هەڤدیتنێن ئەندامتیا یهكێتییا ئەورۆپایێ ل 2005ێ دەستپێکربوون، د سالێن داویێ دا ژ بەر کریزێن دیپلۆماتیک و سیاسی هاتنە ئاستا راوەستاندنێ، ئهڤ ههڤدیتنه پێدڤییه د 35 قۆناغان دا دهرباس ببن، لێ ههتا نها تنێ 16 قۆناغ دهرباس كرینه.
