ئارتێشا تركیێ ل دێرسمێ ل دژی په‌كه‌كێ ئۆپه‌راسیۆن ده‌ستپێكر

Dêrsmê-pkk-turkey

ئارتێشا تركیێ ئیرۆ ل سنۆرێ پارێزگه‌ها دێرسمێ یا باكورێ كوردستانێ، ئۆپه‌راسیۆنا ئه‌ره‌ن-زڤستان 6 ل دژی رێخستنا په‌كه‌كێ ده‌ستپێكر.

ل گۆری ئاگاهیێن كو وه‌زاره‌تا به‌ره‌ڤانیێ یا تركیێ به‌لاڤ كرنه‌، ئیرۆ رۆژا چارشه‌مبی 15/12/2021ێ ل ناڤچه‌یێن چیایی یێن سنۆرێ دێرسمێ یا باكورێ كوردستانێ، ئۆپه‌راسیۆنا ب ناڤێ ئه‌ره‌ن – زڤستان 6 ل دژی رێخستنا په‌كه‌كێ هاتییه‌ ده‌ست پێ كرن.

د ڤێ ئۆپه‌راسیۆنێ دا‌، 1060 جه‌ندرمه‌، عه‌سكه‌ر و گوندپارێز تێدا‌ به‌شدارن و ل گۆری وه‌زاره‌تا به‌ره‌ڤانیێ، 140 ستارگەهـ و 9 شکەفتێن په‌كه‌كێ هاتن ژناڤبرن.

ب هاتنا دەمسالا زڤستانێ ل ناڤ ترکیێ ئۆپەراسیۆنێن «ئەرەن زڤستان» ل دژی په‌كه‌كێ ل دەڤەرێن بەستا یا سنۆرێ شرنەخێ، ئامانۆس یا سنۆرێ هاتایێ، دیسان ل سنۆرێ ئامەد و چەولیگێ، ل جۆلەمێرگێ و سنۆرێ سێرتێ، هه‌روه‌ها ل سنۆرێ بەدلیسێ و مێردینێ، مووشێ و دێرسمێ هاتنه‌ ئه‌نجام دان.