ئارتێشا ترکیێ و کۆمێن وێ یێن چەکدار گوندێ دەردارە ل گوندەوارێ تل تەمرێ، ھەروه‌ھا گوندێ دبس و رێیا M4ێ ل گوندەوارێ عەین عیسایێ تۆپبارانکرن.
چاڤکانیێن خوەجھی ل رۆژاڤایێ کوردستانێ بەلاڤ کرنە کو شەڤا بووری ئارتێشا ترکیێ و گرووپێن چەکدارێن سەر ب وێ ڤە، گوندێ دەردارە ل باکورێ باژارۆکێ تل تەمرێ ب ھاونان تۆپبارانکرن.
بەری تۆپبارانێ، ھەژمارەک ھێزێن ئه‌مەریکایێ سەره‌دانا وی گوندی کربوون، ل گۆر زانیارییان، پشتی چەند دەمژمێران ژ دەرکەتنا ھێزێن ئه‌مەریکی، گوند ژ ئالیێ ھێزێن ترکیێ و کۆمێن چەکدار ڤە ھات تۆپبارانکرن.
ژ ئالییەکی دن ڤە، ھەمان چاڤکانییان راگه‌ھاندییە، کو گوندێ دبس و رێیا M4ێ ل گوندەوارێ عەین عیسا ژی ژ ئالیێ ئارتێشا ترکیێ و کۆمێن چەکدارێن گرێدایی وی وەلاتی ڤە، ھاتنە تۆپبارانکرن، زانیاری ژی دەربارێ زیانێن تۆپبارانێن ل سەر وان دەڤەران نەھاتنە ئاشکەرەکرن.
