بالا‌فرێن بێ مرۆڤ یێن تركیێ هێرشێن نوو ل باشوور و رۆژئاڤا كوردستانێ ئه‌نجام دان، یه‌ك گه‌ریلا و دو شه‌رڤان كرن ئارمانج.
وه‌زاره‌تا پاراستنا نه‌ته‌وی یا تركیێ ئیرۆ 16/12/2021ێ ل حه‌سابا خوه یا تویته‌رێ به‌لاڤ كر كو بالا‌فرێن بێ مرۆڤ یێن تركیێ د هێرشا خوه یا هه‌ری داوی دا كو ل ناڤچه‌یا حه‌فته‌نینێ یا باشوورێ كوردستانێ ئه‌نجام داییه، گه‌ریلایه‌كێ په‌كه‌كێ كرنه ئارمانج و ژیانا خوه ژ ده‌ست داییه.
ده‌ست نیشان كر، هێرشه‌كا هه‌مئاوا ل رۆژئاڤا كوردستانێ ژی ل ناڤچه‌یا كانیا ئاشتیێ هاتییه ئه‌نجام دان و دو شه‌رڤانێن یه‌په‌گێ كه‌تنه به‌ر هێرشێ و ژیانا خوه ژ ده‌ست دانه.
رێخستنا په‌كه‌كێ ل ده‌ربارا هێرشا ل حه‌فته‌نینێ چ ئاگاهی نه‌دانه، لێ به‌لێ یه‌په‌گێ ناسنامه‌یا 3 شه‌رڤانا ئه‌شكه‌ره كرییه كو د هێرشا تركیێ دا ژیانا خوه ژ ده‌ست دانه.
