ل پارێزگەھا ئۆرمیێ یا رۆژھلاتێ کوردستانێ بەرف و بارانەک زێدە دباریت، ژ بەر وێ ژی رێیا گەلەک گوندان ھاتیە گرتن و ل ھندەک جھان ژی لەھی رابوویە.
ژ دوھی دانێ سپێدێ ڤە ل دەڤەرێن باکورێ پارێزگەھا ئۆرمیێ بەرفەک گران دباریت و ھەتا نھا ژی بەردەوامە.
ل گۆری ئاگاھیان، رێیا گەلەک گوندان ھاتیە گرتن، ل ھندەک دەڤەران خەلک د ناڤ بەرفێ دا ئاسێ مانە. گەشتێن فرۆکەخانەیا ئۆرمیێ ژی ژ بەر بەرف و مژێ ھاتنە سەکناندن.
ل ئالیەکی دی، ل دەڤەرێن باشوورێ پارێزگەھا ئۆرمیێ ب تایبەت ل باژارێ مەھابادێ بارانەک زێدە باری و ژ بەر وێ ژی لەھی رابوو.
