تەندورستیا جیهانی هەژمارا وەلاتێن کو ئۆمیكرۆن گهایێ راگهاند

رێخستنا تەندورستیێ یا جیهانێ د داخویانیا خوە یا ئیرۆ دا راگهاند کو هەیا نها ل 89 وەلاتان جورەیا نوو یا ڤیروسا كۆرۆنایێ یا ب ناڤێ ئۆمیكرۆن هاتییە دیتن.

رێخستنا تەندورستیێ یا جیهانێ ئیرۆ 18/12/2021ێ راگهاند، هەتا 16ێ کانوونا پێشین یا 2021ێ، ڤیروسا ئۆمیكرۆن ل 89 وەلاتان، هاتییە دیتن، ل گۆری رێخستنێ، ئۆمیكرۆن پر زووتر بەلاڤ دبیت.

رێخستنا تەندورستیێ دیار کر، ئۆمیكرۆن بلەز ل وەلاتێن کو نفووسا وان بلندە بەلاڤ دبیت و سەدەمێن ڤێ یەکێ هێژان نه‌دیارن.

پێشتر رێخستنا تەندورستیێ یا جیهانێ پشتی جڤینەکا ئاوارتە راگهاندبوو کو جورەیا نوو یا ڤیروسا کۆرۆنایێ کو ل ئافریکایا باشوور هات دیتن، دبیته‌ سەدەما نیگەرانیێ.

رێخستنێ ناڤێ جورەیا نوو – B.1.1.529  – ب تیپا یەونانی ئۆمیكرۆن لێ کر.