په‌كه‌كێ ناسنامه‌یا 4 جوانێن كورد ئه‌شكه‌ره‌ كر و دبێژه‌: فه‌دایێ ئاپۆ بن!!

pkk-gerila-apo-ocalan-cemil-bayik-biratiya-gelan-turkey-kurd-kurdistan

رێخستنا په‌كه‌كێ ناسنامه‌یا 4 جوانێن دن یێن كورد ئه‌شكه‌ره‌ كر كو ژ بۆی براتییا ب تركان ره‌ دانه‌ كوشتن و رادگهینه‌ كو ئه‌ڤ 4 جوان فه‌دایێن ئاپۆ بوون، پیڤه‌را سه‌ره‌كه‌ ل جه‌م وان ئازادییا فیزیكی یا رێبه‌ر ئاپۆ بوو!.

رێخستنا په‌كه‌كێ هه‌ر ل ناڤبه‌را دو هه‌یا 3 رۆژان، ناسنامه‌یێن كۆمێن جوانان ئه‌شكه‌ره‌ دكه‌ یێن كو ژ هێلا ئارتێشا تركیێ تێن ئارمانج گرتن، پرانییا شه‌رڤانێن په‌كه‌كێ یێن كو تێن فه‌دا كرن، هێژان د ته‌مه‌نه‌كه‌ هه‌ری بچووك دانه‌، پرانی ژێ هێژان ریهـ و سمبێلێن وان نه‌هاتنه‌ و ژ بۆ كو ته‌وانا ره‌ڤاندنا زارۆكێن كوردان ل سه‌ر رێخستنێ ته‌سبیت نه‌به‌، په‌كه‌كه‌ تام ئاگاهییان ل سه‌ر وان پارڤه‌دكه‌ و ته‌نێ ئاماژه‌ ب ته‌مه‌نا وان ناكه‌.

دوهـ رۆژا شه‌می 18/12/2021ێ رێخستنا په‌كه‌كێ ناسنامه‌یا 4 جوانێن دن ژی ئه‌شكه‌ره‌ كر كو د به‌رخوه‌دانا خوه‌ یا ساخته‌ ده‌ ل باشوورێ كوردستانێ، نه‌ ژبۆی كوردستانێ، لێ ژ بۆی براتییا ب تركان ره‌، ب ده‌ستێ عه‌سكه‌رێ كو دخوازه‌ براتیێ د گه‌ل پێك بینه‌، دانه‌ كوشتن.

ناڤێن ڤان جوانێن كورد ووسایه‌:

ئه‌مینه‌ ئاكدۆگان ژ شرنه‌خێ، عومه‌ر كارانفیل ژ سێرتێ، محه‌مه‌د جان تالای ژ ئامه‌دێ و هاوبه‌ش عومه‌ر ژ پێنجوینێ.

ئه‌ڤ هه‌ر چار جوان رێخستنا په‌كه‌كێ ل سالا 2019ێ ل باشوورێ وه‌لات دانه‌ كوشتن و پاش ده‌رباسبوونا 2 سالان ژ نوو هاتییه‌ ب رووقایمی دبێژه‌ ئه‌و فه‌دایی یێن ئاپۆ بوون، پیڤه‌را سه‌ره‌كه‌ ل جه‌م وان ئازادییا فیزیكی یا رێبه‌ر ئاپۆ بوو، د په‌سنا ئه‌مینه‌ ئاكدۆگان ژی ده‌ په‌كه‌كێ ب بێ شه‌رمانه‌ گۆتییه‌: وێ ئازادییا خوه‌ د رێبه‌ر ئاپۆ ده‌ دیتبوو!!