په‌كه‌كێ دیسا زارۆك دانه‌ كوشتن

په‌كه‌كێ دیسا زارۆك دانه‌ كوشتن

رێخستنا په‌كه‌كێ جاره‌كا‌ دی داخویانی دا و ناسنامه‌یا 4 چه‌كدارێن خوه‌ تێدا‌ ئه‌شكه‌ره‌ كر كو ل سالا 2015ێ ژیانا خوه‌ ژ ده‌ست دانه‌، لێ پاش ده‌رباسبوونا 6 سالان ژ نوو هاتییه‌ و مرنا وان رادگه‌هینیت.

هه‌په‌گێ باسكێ له‌شكه‌ری یێ په‌كه‌كێ، د داخویانییا خوه‌ یا هه‌ری داوی دا كو دوهی رۆژا دوشه‌مبی 20/12/2021ێ به‌لاڤ كرییه‌، ناسنامه‌یا 4 گه‌نجێن كورد كو هێژان د ژیه‌كێ بچووك دا‌ نه‌ ئه‌شكه‌ره‌ كر، په‌كه‌كێ ئه‌ڤ 4 گه‌نج ل سالا 2015ێ ل باشوورێ كوردستانێ ب ده‌ستێ عه‌سكه‌رێ ترك دانه‌ كوشتن، لێ به‌لێ پاش ده‌رباسبوونا 6 سالان ژ نوو هاتییه‌ و مرنا وان راگه‌هاندییه‌.

ناڤێن وان ئه‌ڤه‌نه‌:

ده‌وله‌ت چه‌لیك ژ دیلۆكێ، هاكان ئیشق ژ وانێ، نه‌وزاد ئالده‌میر ژ جۆله‌مێرگێ و محه‌مه‌د عززه‌ت ژ وانێ.

هه‌په‌گێ باسكێ له‌شكه‌ری یێ په‌كه‌كێ، هه‌ر ل ناڤبه‌را دو هه‌تا 3 رۆژان ناسنامه‌یا كۆمێن گه‌نجێن كورد ئه‌شكه‌ره‌ دكه‌ت یێن‌ كو ب ده‌ستێ عه‌سكه‌رێ ترك دده‌ته‌ كوشتن، پرانییا یان هێژ د ژیێ زارۆكتیێ دا‌نه‌ یان ژی د ژیه‌كێ وه‌ها دا‌ نه‌ كو ل گۆری هه‌موو یاسایێن دنیایێ نابیت ئه‌و بهێنه‌ چه‌كدار كرن.

د 3 حه‌فتیێن رابووری دا‌، په‌كه‌كێ ناسنامه‌یا پتری 25 كه‌چ و كوڕێن كورد ئه‌شكه‌ره‌ كرییه‌ یێن كو د به‌رخودانا خوه‌ یا ساخته‌ دا داینه‌ كوشتن، د داخویانیێن راگه‌هاندنا شه‌هاده‌تا وان دا ژی دبێژیت ئه‌و ملیتانێن ئاپۆی بوون، نرخا هه‌ره‌ سه‌ره‌كی‌ ل ده‌ڤ وان راكرنا ته‌جریدا ل سه‌ر ئاپۆ و ئازادییا فیزیكی یا وی زه‌لامی بوو!!.