ئارتێشا فره‌نسایێ راگه‌هاند كو هێزێن وان رێبه‌ره‌كێ مه‌زنێ رێخستنا ته‌رۆریستییا داعشێ ل وه‌لاتێ نه‌یجرێ كوشتییه.
ئاژانسا نووچەیان یا رۆیته‌رزێ، ئیرۆ سێشەمبێ 21/12/2021ێ راگه‌هاند کو ئارتێشا فره‌نسا ل نیجەرێ رێبەرەکی پایه بلند یێ رێخستنا ته‌رۆریستی یا داعشێ، ب ناڤێ سۆمانا بۆرا، د هێرشه‌كا ئاسمانی دا کوشتییە.
ئاژانسا رۆیته‌رزێ ئەو ئاگاهی ژ زارێ وەزارەتا هێزێن چەکدار یا فره‌نسا ڤه‌گوهاستنه و ده‌ست نیشان كرییه كو ئه‌و رێبه‌رێ داعشێ دوهی رۆژا دوشه‌مبێ ل ناڤچه‌یا تیلابێری یا رۆژئاڤا نه‌یجرێ هاتییه كوشتن.
د ڤێ ده‌ربارێ دا، ئارتێشا فره‌نسا دیار كرییه كو سۆمانا بۆرا ل ته‌باخا سالا 2020ێ، 6 سڤیلێن فره‌نسی ل نه‌یجرێ كوشت بوون و وێنه‌یێن كوشتنا وان ژی ل مه‌دیایێ به‌لاڤ كربوون.
