تركیێ دو گوندێن رۆژئاڤایێ كوردستانێ بۆمبه‌باران كرن

zirgan-rojava

بالافرێن بێ مرۆڤ یێن ده‌وله‌تا تركیێ، ئیرۆ ئێریش ل سینۆرێ باژارۆكێ زرگانێ یێ رۆژئاڤا كوردستانێ ئه‌نجام دا، 3 كه‌سان ژیانا خوه‌ ژ ده‌ست دا و 2 بریندار بوونه‌.

ئارتێشا تركیێ ئیرۆ رۆژا سێشه‌مبێ 21/12/2021ێ ب رێیا بالافرێن بێ مرۆڤ ئێریشا گوندێ تل وه‌ردێ كر كو دكه‌ڤه‌ باكورێ باژارۆكێ زرگانێ، د ئه‌نجاما ئێریشێ دا، 2 كه‌س بریندار بوونه‌.

پشتره‌ هێرشه‌كا دی ژی ل گوندێ ئه‌سه‌دیێ یێ رۆژئاڤایێ زرگانێ ئه‌نجام دایه‌ و د وێ هێرشێ ژی دا‌، وه‌لاتیێ ب ناڤێ حه‌مید سالح ئه‌ل حسێن كو بریندار ببوو، ل نه‌خوه‌شخانه‌یا گه‌ل ژیانا خوه‌ ژ ده‌ست دا.

ناڤێن كه‌سێن بریندار ئه‌ڤن:

ئه‌حمه‌د محه‌مه‌د فارس 50 سال، حه‌مدا فارس ئه‌ل فارس كو زارۆكه‌.

ب ڤێ چه‌ندێ هەژمارا وەلاتیێن کو ژ بەر هێرشێن ل سەر گوندێن زرگانێ شەهید بووینە گه‌هشت 3 كه‌سان، «مەلکا ئەحمەد عید 30 سال، دایکا وێ فەسلا 60 سال و سالح حەمید ئەل حسێن 60 سال.

هێژای گۆتنێ یه‌، ئیرۆ ئارتێشا ترک و چەتەیێن وێ ژ گوندێن باب ئەل خێرێ، هه‌ر یێك ژ گوندێن مەهرەملا، تل ئەمیر، مەزرا، هه‌روه‌ها تل وەرد و تاخێن رۆژئاڤایێ ناڤەندا باژارۆكێ زرگانێ ژی و سووکا وێ تۆپباران كرن، ژ بەر تۆپبارانێ زیانێن مەزن گهیشتن مالێن وەلاتییان.