ئاژانسا «هاوار» یا نووچهیان كو ب ئاژانسا پهكهكێ ل رۆژئاڤایێ كوردستانێ تێ حهساب كرن، درهوان ل سهر ناڤێ «سالح گهدۆ» سکرتێرێ پارتیا چەپا دەمۆکراتا کورد ل سووریێ، ل دژی ههرێما كوردستانێ و پهدهكێ بهلاڤ دكهت.
د ڤێ دهربارێ دا، سالح گهدۆ ژ بۆ چاڤكانیێن پێگهها «داركا مازی» ل رۆژئاڤایێ كوردستانێ دیار كر كو ئاژانسا ئانهایێ، داخویانییا وی سهر و بن گوههراندییه و ل سهر ناڤێ وی درهو بهلاڤ كرینه.
سالح گهدۆ گۆت: «من ب ئاوایهكی زارهكی داخویانی دایه ئانهایێ، من ب چ ئاوایی هێرشی ههرێما كوردستانێ و پهدهكێ نهكرییه و ڤێ ئاژانسێ ل سهر ناڤێ من ئهڤ گۆتییه، لێ بهلێ هایا من ژ وان گۆتنان نینه».
سالح گهدۆ ژ ئاژانسا ئانهایێ خواست داخویانییا وی سهرهراست بكهن، ئیرۆ رۆژا سێشهمبێ ژی 21/12/2021ێ زهلالكرنهك ل حهسابا خوه یا مهدیایا جڤاكی بهلاڤ كر و تێدا گۆتییه: «ل سهر داخوازا ئاژانسا ئانهایێ، ل رۆژا 20/12/2021ێ، من داخویانی دایه وێ ئاژانسێ و من نرخاندن ژ بۆ گرتنا دهریێ سێمالكایێ كر، من گۆت ئهڤ یێك ب زیانا گهلێ رۆژئاڤا دهێت، ژبهر كو رۆژئاڤا دبن دۆرپێچا دهولهتێن ههرێمی دا یه ب تایبهت تركیهیێ».
