نوونەرێ بەرێ یێ ئه‌مه‌ریكا ژ بۆ سووریێ و ھەڤپەیمانییا ناڤدەولەتییا ل دژی داعشێ جه‌یمس جێفری گۆت، وەلاتێ وی نھا د «ھەلوەستەکێ بھێزتر» دا یە کو دگه‌ل رووسیایێ ل سەر سووریێ دانوستاندنان بکەت.
جێفری ژ بۆ رۆژنامەیا «شەرق ئەل-ئەوسەت» راگه‌ھاند، «ئه‌مه‌ریكا نھا د ھەلوەستەکێ بھێزتر دا یە کو دگه‌ل رووسیایێ ل دەربارێ سووریێ گۆتووبێژان بکەت، ژ بەر گەلەک سەدەمان، ژ وان ژی کو ھەموو ئاموورێن زەختێ هێژان د دەستێ رێڤەبەرییا سەرۆک جۆ بایدن دا نه».
جێفری داخواز ژ رێڤەبەرییا بایدن کر، دەما دیالۆگا دگه‌ل ئالیێن رووسی دكه‌ن، دڤێت ئەو دگه‌ل ھەڤالبەندێن خوە یێن عەرەبی، ھەرێمی و نەتەوەیێن یەکبوویی ھەڤاھەنگیێ بکەن، دا کو د بجهئینانا ئارمانجێن خوە دا ب سەر بکەڤن.
ھەروه‌ھا ھشیاری دا، ئەگەر رێڤەبەرییا بایدن وێ یەکێ نەكه‌ت، ئەو دێ هێته وێ واتەیێ کو «یان رێڤەبەریا بایدن دبینیت کو سووریە نە گرنگە، یان ژی ئەو دخوازن تشتەکی بکه‌ن کو چ کەس نزانیت چیە».
