چەکدارێن ئۆپۆزیسیۆنا سووریێ یێن سەر ب ئارتێشا ترکیێ ڤە 4 خۆرت ژ گوندەکێ عەفرینێ رەڤاندن.
رێخستنا مافێن مرۆڤان ل عەفرینێ بەلاڤ کر، گرووپا پۆلیسا لەشکەری رۆژا 21/12/2021ێ ب سەر گوندێ ماراتێ دا گرت و 4 جوان ب تۆمەتا کو پەیوەندی ب رێڤەبەریا خوەسەر ڤە ھەبوون رەڤاندن.
ل گۆر وێ رێخستنێ، ناڤێن کەسێن ھاتنە رەڤاندن وەھا نە: عەلی محەمەد ئیبراھیم (26 سالی)، محەمەد ئەحمەد ئەیووبی (27 سالی) ھەمیار محەمەد قلیچ (27 سالی) و دلیار بەتال بەتال (27 سالی).
ھەروەھا رێخستنا مافێن مرۆڤان یا عەفرینێ دیار کریە، ئەو ھەر 4 گەنج بەر کو ب جھەکێ نەدیار ڤە ھاتنە برن، د سالا 2020ێ دیسا ب ھەمان تۆمەتێ ھاتبوون رەڤاندن و پشتی ھەر یەکی ژ 1000 لیرەیێن ترکی وەک فدیە داین، سەربەست ھاتبوون بەردان.
چالاکڤانێن عەفرینێ دبێژن، گرووپێن چەکداران ب ئارمانجا ستاندنا پارە، فدیە و باجان ژ کوردێن عەفرینێ، وان ھەموویان ب پێوەندیا ب رێڤەبەریا خوەسەر ڤە تۆمەتبار دکەن.
ل رۆژا 18ێ ئادارا 2018ێ پەکەکێ ل عەفرینێ بازدا و تەڤ کوردێن عەفرینێ د دەستێن هێزێن تورکیا و گرۆپێن توندرەوێن گرێدایی وێ دا ب جیهـ هێلان و راگهاند وان ترکیە ل عەفرینێ شکاندیە.
