فەرماندارەکێ پەکەکێ گەریلایەک ب 3 گولـلەیان کوشت

pkk-sinjar-په‌كه‌كه‌-شنگال-بكك-سنجار

پشتی کو ب رێکا تەلەفۆنێ پەیوەندی ب بەرپرسەکێ پەکەکێ ل سینۆرێ شنگالێ هاتیە کرن، ئەڤ بەرپرسێ پەکەکێ دچیت و گەریلایەکێ ب 3 گولـلەیان دکوژیت.

چاڤکانیێن پێگەها دارکا مازی ل شنگالێ ئاشکەرا کر، بەرپرسەکێ پەکەکێ یێ ب ناڤێ «هەڤال حکەمەت» ل سینۆرێ شنگالێ، ل رۆژا 17/11/2021ێ، پشتی کو کەسەک ب رێیا تەلەفۆنێ پەیوەندیێ ب وی دکەت، دچیت و گەریلایەکی ب ناڤێ شێروان ئەحمەد د ناڤا هەڤالێن وی دا ب دەمانجێ دکوژیت و 3 گولـلەیان ل بەدەنا وی ددەت.

چاڤکانیێن مە هەر وەها ئاشکەرا کر، ئەڤ گەریلایێ پەکەکێ ب خیانەتێ هاتبوو سووچبارکرن، ژ بەر کو ل جەم هندەک ژ هەڤالێن خوە سیاسەتا پەکەکێ و ئۆجالان دەربارێ باشوورێ کوردستانێ رەخنە کربوو، ژ بەر ڤێ یەکێ ب بریارا قەندیلێ ئەو هات تەسفیە کرن.

هات زانین کو پشتی کوشتنا شێروان ئەحمەد، جەنازەیێ وی ژ بۆی گوندێ کەرسێ یێ سەر ب باژارۆکێ سنۆنێ هاتیە ڤەگوهاستن و ل وڕ هاتیە ئاڤێتن.

ل گۆر زانیاریان، حکمەت و شیروان هەر دو خەلکێ باکورێ کوردستانێ نە و دەمەک درێژە پەیوەندی ب رێخستنا پەکەکێ کری.