سەرۆکێ رووسیا ئیرۆ راگه‌هاند، وه‌لاتێ وی ناخوازیت ل گه‌ل ئۆكراینا و وه‌لاتێن رۆژئاڤا بكه‌ڤه د چ شه‌ڕان دا.
ڤلادیمر پوتین ئیرۆ پێنجشەمبێ دیار کر کو رووسیا دخوازیت ژ هه‌ر پەڤچوونەکا ل گه‌ل ئوکراینا و وەلاتێن رۆژئاڤا دوور ب سه‌كنیت و گۆت: ئەو د دەربارێ پێشنیارێن رووسیا یێن ژ بۆ گارانتیکرنا ئەولەهیێ، بەرسڤەکا ده‌ملده‌ست دخوازیت.
پوتین د جڤینا سالانە یا راگهاندنێ دا، دەما کو ئحتیمالا چێبوونا شه‌ڕی ل گه‌ل ئۆكراینایێ ژ وی هات پرسین، گۆت کو ئەو نە بژارەیا وانە و ئەو وێ یەکێ ناخوازن.
هه‌روه‌ها گۆت کو رووسیایێ ل سەر پێشنیارێن ئەولەکاری یێن کو وان پێشکێشی ئه‌مەریکایێ کربوون، بەرسڤەکا دەستپێکێ یا ئەرێنی وەرگرتییە و دانوستاندن دێ د دەستپێکا سالا نوو دەستپێ بکه‌ن.
د بەرسڤەکا وێ یه‌كێ دا کو چاوا ناتۆیێ ژ شەرێ سار ب پێلێن بەرفرەهبوونێ یێن ل پەی هەڤ رووسیا “خاپاندییە”، پوتن گۆت کو مۆسکۆ ل بەندا بەرسڤەکا لەزگینە.
