ھێزێن ئیرانێ د راھێنانا سالانەیا لەشکەری یا دۆھی ئەنجام دایی دا، 16 مۆشەکێن بالیستیکی جەرباندبوون و بریتانیایێ ب داخویانیەکێ ئەو کریارا ئیرانێ ب توندی شەرمەزار کربوو و ئیران ب بنپێکرنا بریارێن ئاساییشا ناڤدەولەتی یا نەتەوەیێن یەکبوویی تاوانبار کربوو.
ل سەر داخویانیا بریتانیایێ، بەردەڤکێ وەزارەتا دەرڤە یا ئیرانێ سەید خەتیبزادە بەرتەک نیشان دا و گۆت، ئەو جەرباندنا مۆشەکێن بالیستیک ھشیاریەکە ژ بۆ ئیسرایلێ و رەد کر کو بەرنامەیا وان یا ئەتۆمی ژ بۆ چەکێن ئەتۆمی بهێتە بکارئانین.
ل گۆری مەدیا ئیرانێ خەتیبزادە گۆتیە، داخویانیا بریتانیایێ دەستوەردانا کارووبارێن ناڤخوەیی یێن پێشخستنا بەرەڤانیا ئیرانێ یە و چ پەیوەندی ب جەرباندنا مۆشەکان ب بریارێن نەتەوەیێن یەکبوویی ڤە نینە.
