ل به‌غدایێ ئالیگرێن حه‌شدا شه‌عبی دادگەها فەدەرالی دۆرپێچ کرنە

hashid-shabi-iraq

ل سه‌ر پرسا په‌ژراندنا ئه‌نجامێن هلبژارتنێن پارلمه‌نا ئیراقێ، ئالیگرێن حه‌شدا شه‌عبی ئیرۆ ل پێش ئاڤاهییا دادگەها فەدەرالی کۆم بوونە و هەول دده‌ن دەرباسی ناڤا دادگەهێ ببن.

پاش كو دادگه‌ها فه‌ده‌رالی یا ئیراقێ ئه‌نجامێن هه‌لبژارتنێن پارلمه‌نا ئیراقێ په‌ژراندین، نه‌رازیبوون ژ هێلا هێزێن شیعه‌ چێبوون و و هادی عامری سه‌رۆكێ ده‌سته‌یا حه‌شدا شه‌عبی خواستبوو، ئه‌نجام بهێن هلوه‌شاندن.

دادگه‌ها فه‌ده‌رال كو بریاره‌ ئیرۆ ل ده‌ربارا تانه‌یێن کو ژ ئالیێ سەرۆکێ دەستەیا حه‌شدا شه‌عبی هادی عامری ڤە هاتنه‌ پێشکێشکرن كۆم ببیت، لێ به‌لێ تێ چاڤه‌رێكرن، ئه‌و تانه‌ وه‌رن ره‌د كرن.

د ڤێ ته‌ڤلیهه‌ڤیێ دا، ئیرۆ ئالیگرێن حه‌شدا شه‌عبی چوونه‌ سه‌ر باره‌گه‌ها دادگه‌ها فه‌ده‌رال و هه‌لا ده‌رباسبوونا ناڤا باره‌گه‌ها دادگه‌هێ كرنه‌.

هێزێن ئه‌وله‌هیێ یێن به‌غدایێ ژ بۆ پاراستن دادگەها فەدەرالی، ل دەردۆرا دادگەهێ  کۆم بوونە، هه‌روه‌ها پرا کۆماری و پرا عەلاوی و ریێن دچن هەرێما کەسک کو دادگەها فەدەرالی لێ یە، ژ ئالیێ هێزێ ئەولەهیێ ڤە هاتن گرتن.

هه‌ر ئیرۆ هەژمارەکە مەزن ژ خەلکێ داکەتنە سەر کۆلانێن به‌غدایێ و ئۆتۆمۆبیلێن سەربازی یێن گرووپێن چەکداران ژی د دەریێن به‌غدایێ دا کۆم بوونە، ژ بۆ كو فشارێ ل بریارێن دادگەها فەدەرالی بکه‌ن.