متحەت سانجار و پەروین بولدان سەرەدانا داودئۆغلو کر

متحەت سانجار و پەروین بولدان سەرەدانا داودئۆغلو کر

 ھەڤسەرۆکێن ھەدەپێ متحەت سانجار و پەروین بولدان ئیرۆ سەرەدانا سەرۆکێ پارتیا گەلەجەکێ ئەحمەد داودئۆغلو کرن. پشتی ھەڤدیتنەکا 2 دەمژمێری، پەروین بولدان د جڤینا چاپەمەنیێ دا راگھاند کو ھەڤدیتنەکا ب قەدر ئەنجام دایە.

بولدان گۆت کو وان ل سەر رەوشا ھەیی یا ترکیێ، بەندەواریێن ھەموەلاتیان ژ وان، داخوازا ھەدەپێ یا ھلبژارتنا پێشوەخت، لگەل داودئۆغلو دا ئاخفتینە و وەھا گۆت:

“لگەل کریزا دارایی دا پرانیا جڤاکا ترکیێ بەندەواریێن وان ھەنە و ئەم ل سەر وان ئاخفتین. ئەم ل سەر تەڤگەرا بھەڤرەبوونا حیزبێن ئۆپۆزسیۆنێ ھەیا پێڤاژۆیا ھلبژارتنێ دێ چاوا ب شێورداری برێڤە بەن، مە فکرێن خوە گۆتن. مە گۆت کو پێدڤیا ھەری زێدەیا ترکیێ ب ھلبژارتنێ ھەیە. د سەرەدانێن مە یێن سبە دا، ئەم دێ بێژینە سەرۆکێن گشتی یێن حیزبان. ژ بۆ کو ترکیا ژ رەوشا نھا رزگار ببیت ئەم دبێژین یەکسەر ھلبژارتن بێنە ئەنجامدان. ئیرۆ ل ترکیێ، د ڤێ پێڤاژۆیێ دا دادپەروەری، یاسا و دەمۆکراسی نینە. خەلکێ ترکیێ مەخدوورێن ڤێ پێڤاژۆیێ نە.”

پوستێن ھەمان بەش