سەرۆکێ تەڤگەرا سەدر موقتەدا سەدر راگهاند کو ئەو دێ لەزێ بکن ژ بۆ ئاڤاکرنا حکوومەتا پرانیا نیشتمانی.
سەرۆکێ تەڤگەرا سەدر موقتەدا سەدر ل سەر حەسابا خوە یا مەدیایا جڤاکی داخویانیەک بەلاڤ کر و سپاسیا دادگەھا فەدەرالی، نوونەرتیا نەتەوەیێن یەکبوویی ل ئیراقێ و ھەموو کەسێن کو ژ بۆ ئەنجامدانا سەرکەفتیانە یا ھلبژارتنان کار دکر، کر.
سەدر دیار کر کو ئەو کەیفخوەشن کو دادگەھا بلندا فەدەرالا ئیراقێ ئەنجامێن ھلبژارتنێ پەژراندن و دیار کر کو ئەو دێ ئاشتی و ئارامیا نەتەوەیی پارێزن و ئەڤ باوەری ل سەر ملێ ھەر کەسەکێ یە.
سەدر بال کشاند سەر وێ یەکێ کو ئەو دێ ژ بۆ ئاڤاکرنا حکوومەتەکا پڕانیا نیشتمانی یا رۆژھلاتی و نە رۆژئاڤایی کار کەن و گۆت، حکوومەتا کو دێ هێتە ئاڤاکرن دێ ئارامی و خزمەتگوزاریێ ژ بۆی گەلێ ئیراقی پەیدا کەت.
دادگەھا فەدەرال ئەنجامێن ھلبژارتنێ پەژراندن
دادگەھا فەدەرالی یا بلند یا ئیراقێ د روونشتنا ئیرۆ دا بریارا خوەیا داوی ل سەر ئەنجامێن ھلبژارتنان دا.
ل گۆری ڤێ یەکێ، ئەنجامێن ھلبژارتنێ ب پەژراندنێ ب داوی بوو.
ل گۆری دەستوورا ئیراقێ، پشتی پەسەندکرنا ئەنجامێن ھلبژارتنێ ژ ئالیێ سەرۆکۆمار بەرھەم سالح، پیدڤیە د ناڤا 15 رۆژان دا پارلامەنتۆیا نوو بجڤیت.
دادگەھا بلندا فەدەرالا ئیراقێ سکالایا پەسەندنەکرنا ھلبژارتنێن گشتی رەد کر.
سەرۆکێ ھەڤپەیمانیا فەتح یا شیعە ھادی عامری، 4ێ کانوونێ ژ بۆ تانە لیدانا ئەنجامێن ھلبژارتنان سەری ل دادگەھا فەدەرالی یا بلند دا.
هەڤپەیمانیا فەتح یا کو د ھلبژارتنێن گشتی یێن پێشوەختێن 10ێ جۆتمەھێ دا ل ئیراقێ پێک ھاتن دا ھەژمارا پارلامەنتەرێن وێ ژ 47 بۆ 17 کێم بوو، ڤێ هەڤپەیمانیێ ئیدیعا کر کو ھلبژارتن ھاتنە سەختە کرن”.
