ل ناڤچەیا چەشمەیێ یا سەر ب پارێزگەها ئیزمیرێ ڤە و ناڤچەیا کوشاداسی یا سەر ب پارێزگەها ئایدنێ یێن ترکیێ، 102 پەنابەر ژ ناڤ دەریایێ هاتن دەرخستن و هاتن رزگارکرن.
ل ناڤچەیا چەشمەیێ، 66 پەنابەرێن كو د ناڤ دەریایا ئيجه‌یێ دا ئاسێ مابوون ژ ئالیێ تیمێن فەرماندارییا ئەولەکارسیا به‌راڤان ڤە هاتن دەرخستن، پەنابەرێن ژ دەریایێ هاتن دەرخستن بۆ رێڤەبەرییا ئیدارەیا کۆچێ یا ئیزمیرێ هاتن رادەست کرن.
هەروها ل ناڤچەیا کوشاداسی، 36 پەنابەرێن د ناڤ دەریایێ دا ئاسێ مابوون هاتن دەرخستن، هەر 36 پەنابەر بۆ رێڤەبەرییا ئیدارەیا کۆچێ یا ئایدنێ هاتن رادەست کرن.
دەریایا ئیجه یا د ناڤبەرا ترکیێ و یوونانستانێ دا ژ بۆ پەنابەرێن دخوازن بچن ئەورۆپایێ رێیا سەرەکی یە، هەر سال ب سەدان پەنابەرێن دخوازن بچن ئەورۆپایێ د ئەنجاما نقومبوونا بەلەمان دا ژیانا خوە ژ دەست ددن.
