ئارتێشا ترکیێ و گرووپێن چەکداران یێن سەر ب وێ ڤە، ب تۆپێن ھاوانان گوندەوارێن باب و منبجێ بۆمبەباران کرن.
رەوانگەھا سووری یا مافێن مرۆڤان بەلاڤ کر، ئارتێشا ترکیێ و گرووپێن چەکداران یێن ل بارەگەھێن شێخ ناسر، ئەل-شووەیھا و ئەل-زەرزوور یێن ل رۆژھلاتێ باژارێ ئەل-بابا گوندەوارێن رۆژھلاتێ حەلەبێ ب جھ بوونە، ب تۆپێن ھاوانان دەردۆرا باژارۆکێ ئەل-ئەریما گوندێ و گوندێن ئەل-یالانی، مەزارێ ئەل-فەوارەس، قرتواران و ئەل-موحسنلی بۆمبەباران کرن کو د ئەنجامێ دا زیانێن مادی دەرکەتن.
دیار کر ژی، گرووپێن چەکداران یێن کو ترکیا پشتگریا وان دکە، بەریا چەند دەمژمێران دەردۆرا گوندێ ئەل-سەیاد و جەمووسیێ یێن گوندەوارێن باژارێ منبجێ، ل رۆژھلاتێ پارێزگەھا حەلەبێ، ب تۆپێن ھاوانێ بۆمبەباران کرن.
دەستنیشان کر ژی، پشتی نیڤا شەڤا دوشەمبێ-سێشەمێ شەر و پەڤچوون د ناڤبەرا ھێزێن گرێدایی ئەنجوومەنا لەشکەری یا منبجێ ژ ئالیەکێ ڤە و چەکدارێن سەر ب ترکیێ ڤەیێن ل دەردۆرا گوندێ شێخ ناسر ل باکورێ رۆژئاڤایێ منبجێ ب جھ بوونە دا دەرکەت.
ھەر جار ل ڤان خەتێن تەماسێ یێن د ناڤبەرا ڤان ئالیان دا شەر و پەڤچوون دەردکەڤن و گوندێن سڤیلان ژ ئالیێ گرووپێن چەکداران ڤە تێن تۆپبارانکرن.
