وەزیرێ دەرڤەیێ سووریێ: كارێن هه‌سه‌دێ ناهێن قه‌بوولكرن

faysal miqdad-rojava-hsd-qsd-us

وەزیرێ دەرڤەیێ سووریێ راگه‌هاند، ئەو کارێن هێزێن سووریەیا دەمۆکراتیک ل ناڤچەیا جزیرێ و باکور و رۆژهه‌لاتێ سووریێ دکەت، ناهێنه‌ قەبوول کرن و گۆت، ئەو دگه‌ل هه‌سه‌دێ رێكدكه‌ڤن، لێ ئه‌مه‌ریكا ناهێلیت ئەو رێككه‌فتن بچیته‌ سەری.

د گۆتووبێژەکێ دا ل گەل 2 تەلەفزیۆنێن سووری، فه‌یسه‌ل مقداد وەزیرێ دەرڤەیێ سووریێ راگه‌هاند، هه‌ر دەما ئەو دگه‌ل هه‌سه‌دێ ل سەر مژارەکێ دگه‌هنه‌ رێككه‌فتنێ، لێ گاڤا کو ئه‌مه‌ریكا ل دژی وێ رێككه‌فتنێ دەردکەڤیت، هه‌سه‌ده‌ رێکەفتنێ رەد دکەت.

مقداد دیار کر، نابیت کو هه‌سه‌ده‌ پشتا خوە ب ئه‌مه‌ریكا ڤە گرێ بده‌ن، ژ بەر کو ب گۆتنا وی چ پرۆژەیەکێ پەرچەکرنێ ل سووریێ ب سەر ناکەڤیت.

وەزیرێ دەرڤەیێ سووریێ هەروه‌ها گۆت: ترکیێ بەشەک ژ ئاخا سووریێ داگیر کرییە و هەولا ترککرنا وێ ددەت و ئەو یەک دبیته‌ سەدەما وێرانبوونا وەلاتی.