1271 كه‌س د سالا 2021ێ دا ل سووریێ هاتنه‌ كوشتن

qsd-hsd-sirya

تۆرا سووری یا مافێ مرۆڤان دیار کر، د سالا 2021ێ دا، 1271 سڤیل ل سووریێ هاتنه‌ کوشتن، ژ ناڤا وان 104 کەس د بن ئەشکەنجەیێ دا ژیانا خوه‌ ژ ده‌ست دانه‌.

 د سالا 2021ێ دا هه‌سه‌دێ پتری داعشێ و ئارتێشتا تركیێ سڤیل كوشتنه‌

تۆرا سووریێ یا مافێ مرۆڤان راپۆرته‌ک ل دەربارێ بنپێکرنێن د سالا 2021ێ دا ل سووریێ هاتنه‌ کرن بەلاڤ کر و دیار کر، 1271 سڤیل د ڤێ سالێ دا ل سووریێ هاتنه‌ کوشتن، 134 ژن و 200 زارۆک د ناڤا وان دا هه‌نه‌.

ل گۆری راپۆرتێ، هێزێن رژێما سووریێ 261 سڤیل کوشتینە، 68 زارۆک و 32 ژن، هەروها هێزێن رووسی 65 سڤیل کوشتینە، د ناڤا وان دا 32 زارۆک و 7 ژنن.

د راپۆرتێ دا هاتییه‌ ژی، داعشێ 7 کەس کوشتنە، 2 ژێ زارۆكن، هەروها 24 کەس ژ ئالیێ گرووپێن چەکدارێن ئۆپۆزیسیۆنا سووریێ ڤە هاتنە کوشتنە کو د ناڤا وان دا 3 زارۆک و 2 ژن هەنە.

دیار کر ژی، 2 سڤیل ژ ئالیێ هێزێن هەڤپەیمانییا ناڤدەولەتی ڤە هاتنە کوشتن، 820 سڤیل ژی کو 178 زارۆک و 91 ژن د ناڤ دانه‌، ژ ئالیێ ئالیێن دن ڤە هاتنە کوشتن.

تۆرا سووری یا مافێ مرۆڤان دەستنیشان کر، 75 کەس ب دەستێ هێزێن سووریەیا دەمۆکراتیک هه‌سه‌دێ هاتنە کوشتن، د ناڤا وان 11 زارۆک و 2 ژن هەنە.

د راپۆرتێ دە هات دیارکرن، 30 کەس ژ ئالیێ هێزێن ترکیێ ڤە هاتنە کوشتن کو د ناڤا وان دا 11 زارۆک و 3 ژن هەنە.

د راپۆرتا تۆرا سووری یا مافێ مرۆڤان دا هات دیارکرن، 104 کەس کو د ناڤ وان دا 2 زارۆک و ژنەک هەنە، د بن ئەشکەنجەیا ئالییان دا هاتنە کوشتن.

دەستنیشان کر ژی، ل هەموو ناڤچەیێن سووریێ د ئەنجاما ئێریشێن خوەکوژی و تەقینان دا، 111 کەسێن سڤیل هاتن کوشتن، د ناڤا وان ژی 51 زارۆک و 8 ژن هەبوون.

د راپۆرێ دە هات گۆتن، ژ بەر خراببوونا رەوشا کامپێن کۆچبەران ل هەرێمێن جوربجور و ژ بەر نەبوونا خوارن، دەرمان و پێویستیێن ژیانێ، هەژمارەک ژ سڤیلان جانێ خوە ژ دەست دان.

دەستنیشان کر ژی، ل ناڤچەیێن هه‌سه‌دێ و ب تایبەت ل کامپا هۆلێ 76 کەس ب دەستێ چەکدارێن نەناس ڤەهاتنه‌ کوشتنە، د ناڤا وان 10 زارۆک و 23 ژن هەنە.