ئیرۆ سه‌رێ سپێدێ ل بەغدایێ، ب درۆنێن بۆمبەکری هێرشی بنگه‌هه‌كا سەربازی یا ئارتێشا ئه‌مه‌ریكایێ هات کرن، هێزێن هه‌ڤپه‌یمان راگهاندن كو ئه‌ڤ هێرش ژ بۆ تۆلهدانا ژ كوشتنا قاسم سوله‌یمانی و ئه‌بو مه‌هدی موهه‌ندس هاتییه كرن.
ئیرۆ رۆژا دوشەمبێ 3-1-2021ێ، ل ده‌مژمێر 4:30 سپێدێ ب دو درۆنێن بۆمبەکری، هێرشی بنگه‌ها سەربازی یا ڤیكتۆرا یا هێزێن ئه‌مه‌ریكایێ كو ل بالافرگەها ناڤدەولەتی یا بەغدایێ یه، هات کرن.
هێزێن هەڤپەیمانییا ناڤدەولەتی ژی ژ ئاژانسا ئاسۆشێتێد پرێس را راگه‌هاندییە؛ هەردو درۆنێن بۆمبەکری ل ئاسمانی ژ ئالیێ هێزێ ئه‌مه‌ریكایێ ڤە هاتن تێکبرن.
ئەڤ هێرش د دەمەکێ دا یە کو ئیرۆ سالڤەگەرا کوشتنا قاسم سولەیمانی و ئەبو مەهدی موهەندسە، بەرییا نها هەژمارەک کۆمێن ملیشیا گەفا هێرشکرنا سەر هێزێن ئه‌مه‌ریكایێ كربوون.
رۆژا 3-1-2020ێ د ئۆپەراسیۆنەکێ دا فەرماندارێ فەیلەقا قودسێ یێ سوپایێ پاسداران یێ ئیرانێ قاسم سولەیمانی و جیگرێ سەرۆکێ دەستەیا حەشدا شەعبی ئەبو مەهدی موهەندس ژ ئالیێ ئه‌مه‌ریكایێ ڤە ل نێزیکی بالافرگەها ناڤدەولەتی یا بەغدایێ هاتن کوشتن.
