ھات راگھاندن کو کەسێ ب ناڤێ محەمەد ئەرەن سوتچو یێ رۆژا 28 کانوونا 2021ێ ب چەک و کێرێ ئێریشی ئاڤاھیێ ھەدەپێ یێ ناڤچەیا باخچەلیەڤلەرا ستەنبۆلێ کربوو، ژ ئالیێ دادگەھا ستەنبۆلێ ڤە ھاتیە بەردان.
محەمەد ئەرەن سوتچو، ب چەک و کێرێ کەتبوو ھووندرێ ئاڤاھیێ ناڤچەیا باخچەلیەڤلەر یێ ھەدەپێ و دەما خواستبی ئێریشی کارمەندان بکەت چەکێن وی ھاتبوون دەستەسەرکرن و پشترا ژ ئالیێ پۆلیسان ڤە ھاتبوو گرتن.
سوتچو ئیرۆ دوشەمبێ ل دادگەها ستەنبۆلێ یا چاگلایانێ دەرکەت پێشبەری دادگەهێ و دادگەهێ ژ بەر تاوانا “گەف کرن و بریندار کرنێ” داخوازا گرتنا وی کر.
لێ بەلێ دادگەھا سێیەمین یا جەزایا سوولحێ یا ستەنبۆلێ بێی هیچ سزایەک بهێتە دان بریارا بەردانا سوتچو دا.
د ئەنجاما ئێریشا 28ێ کانوونێ دا رەمەزان دشار و ئەندامێ پارتیێ عەزیز شیمشەک ب کێرێ ھاتبوون بریندارکرن و چەکا ئێریشکاری ژی ژێ ھاتبوو ستاندن.