ھەژمارەک مووشەکێن دن ئاراستەیی عەین ئەسەد ھاتن کرن

ھەژمارەک مووشەکێن دن ئاراستەیی عەین ئەسەد ھاتن کرن

ھەژمارەک کانال و چاڤکانیێن نێزیکی کۆم و میلیشیایێن شیعە بەلاڤ کریە، ڤێ ئێڤارێ چەند مووشەکێن دی ئاراستەی بارەگەھا سەربازی یا عەین ئەسەدێ ھاتنە کرن.

ل گۆر زانیاریێن دەستپێکێ، کۆمێن شیعە بەلاڤ کریە؛ 12 مووشەک ئاراستەیی بارەگەھا سەربازی یا ئارتێشا ئامەریکایێ ھاتنە کرن.

ل سەر ڤێ مژارێ، چاڤکانیەکی ئەولەھیێ ژ بۆ K24 راگھاند؛ د ئێریشا ڤێ ئێڤارێ دا تەنێ 5 مووشەک ئاراستەیی بارەگەھا سەربازی ھاتنە کرن.

پشتی ئێریشێ، ھەڤپەیمانیا ناڤدەولەتی یا دژی داعشێ د داخویانیەکێ دا راگھاند؛ د دەمژمێر 18:45ێ دا 5 مووشەک ژ ئالیێ ملیسێن دەرڤەیی یاسایان ڤە ئاراستەیی بارەگەھا عەین ئەسەدێ ھاتن کرن و ئەڤ مووشەک 2 کیلۆمەتران دووری بارەگەھێ کەتنە خوارێ.

ئەڤ ئێریش پشتی وێ یەکێ ھات، کو ڤێ سبێ ل گوندێ خەزرا یێ ل باکورێ سووریێ و سینۆرێ دەڤەرا مەیادین، ھەشت مووشەک ئاراستەیی بارەگەھا سەربازی یا ھەڤپەیمانیا ناڤدەولەتی یا دژی داعشێ ھاتن کرن.

ھەڤپەیمانیێ د داخویانیا خوە دا راگھاند؛ ئەڤ ئێریش ژ ئالیێ وان کۆمێن چەکدارێن شیعە ڤە تێنە کرن، کو ئیران پشتەڤانیا وان دکە.

پوستێن ھەمان بەش

پەکەکە چەوا ژ خەتا مەعسووم کۆرکماز یا 15 تەباخێ، بەر ب خەتا عەڤدللا ئۆجەلان یا 15 شوباتێ ڤە چوویە؟

زانیاریێن نه‌بهیستی ده‌ربارێ «پێنگاڤا 15 ته‌باخێ» یا په‌كه‌كێ، د ڤێ زنجیره‌ ڤیدیۆیێن «داركا مازی» دا بزانن

ژ خەتا 15ێ تەباخێ ھەیا خەتا 15ێ شوباتێ؛ د ناڤ پەکەکێ دا چەک و دژواری