پاکستانێ گرێبەستا ل گەل ترکیێ هه‌لوەشاند

پاکستانێ گرێبەستا ل گەل ترکیێ هه‌لوەشاند

پاکستانێ، گرێبەستا کو سالا 2018ێ بۆ کرینا هەلیکۆپتەران ب بهایێ یەک ملیار و 500 ملیۆن دۆلاران ل گەل ترکیێ، ئیمزا کربوو، هه‌لوەشاند.

پاکستانێ ل سالا 2018ێ ژ بۆ کرینا 30 هەلیکۆپتەرێن ژ جورێ T129 ATAK، گرێبه‌سته‌ك ب ملیارەک و 500 ملیۆن دۆلاران ل گه‌ل تركیێ ئیمزا کربوو، ئەڤ گرێبەست ب مەزنترین هه‌ناردەیا بەرەڤانییا پیشەسازییا ترکیێ دهاته‌ هه‌ژمارتن.

لێ به‌لێ ژ بەر کرینا سيسته‌ما S-400، ئه‌مەریکایێ سزایێن CAATSA ل سه‌ر تركیێ سه‌پاندن و ب ڤێ چه‌ندێ تركیێ نه‌شیا مۆتۆرێن هەلیکۆپتەران دابین بکەت و د رادەستکرنا هەلیکۆپتەران دا بۆ پاکستانێ گیرۆ بوو، له‌وما گرێبه‌ست هاته‌ هه‌لوه‌شاندن.

ئارتێشا پاکستانێ راگه‌هاند، گرێبەستا کرینا هەلیکۆپتەرێن T129 ATAK  هاتییه‌ هه‌لوه‌شاندن و ژ بۆ کرینا هەلیکۆپتەرێن ب چەک، وان ل گەل چینێ دەست ب گۆتووبێژان کرییە.