پەکەکە ل سەر ناڤێ رێڤەبەریيا ناڤچەیا دێرکێ بانگا جڤینەکا بەرفرەهـ دکەت

رێخستنا پەکەکێ، ل دێرکا رۆژئاڤایێ کوردستانێ، ل سەر ناڤێ رێڤەبەرییا ناڤچەیا دێرکێ بانگا جڤینەکا بەرفرەهـ دکەت و داخواز دکەت هەموو بەشێن جڤاکێ، سازی و دەزگەهـ و یەکیتیێن وێ بەشداری ڤێ جڤینێ ببن.

چاڤکانیێن پێگەها «دارکا مازی» ل رۆژئاڤایێ کوردستانێ ئاشکەرا کر، پەکەکێ ل دێرکێ ڤەخوایندنەکا گشتی پارڤە کرییە و تێدا داخواز کرییە ل رۆژا شەمبیێ 8/1/2022ێ، ل دەمژمێر 10ی سپیدی ل یاریگەها وەرزشی یا دێرکێ یا گرتی کۆم ببن.

تەڤی کو پەکەکێ د ڤەخواندنا خوە دا ئەڤ یەک راگهاندییە کو مەرەم ژ ڤێ جڤینێ چارەسەر کرنا پرسگرێکێن سیاسی، ئابووری، خزمەتگوزاری و تەندروستیێ یە، لێ بەلێ، چاڤکانیێن مە راگهاند، پەکەکه‌ دخوازیت د ڤێ جڤینێ دا پەدەکێ و حکوومەتا هەرێما کوردستانێ ئارمانج بکەت و وەکە سەدەمێن ڤان پرسگرێکان ل رۆژئاڤایێ کوردستانێ بدەته‌ نیشاندان.

چاڤکانیێن پێگەها «دارکا مازی» هەر وەها ئاشکەرا کرن، هەژمارەکا هەری زیدە یا خەلکێ دێرکێ ناخوازن بەشداری ڤێ جڤینێ ببن، لێ پەکەکێ گەف ل خەلکی کرنە و دخوازیت ب دارێ زۆرێ خەلکی بەشداری وێ جڤینێ بكه‌ت.

هەر وەها هات هین بوون، پەکەکە دخوازیت ل هەر یەک ژ ناڤچەیێن وەکە «حەسەکێ، شەدادیێ، ئەرشا، هۆلێ، کامپا واشۆکانێ یا کۆچبەرێن سەرێکانیێ» ژی خەلکێ بەشداری ڤێ جڤینێ بکەت، داکو ووسا بدەت نیشاندان هەژمارەک هەری زێدە یا خەلکێ ل گەل وێ دایە.

پوستێن ھەمان بەش

پەکەکە چەوا ژ خەتا مەعسووم کۆرکماز یا 15 تەباخێ، بەر ب خەتا عەڤدللا ئۆجەلان یا 15 شوباتێ ڤە چوویە؟

زانیاریێن نه‌بهیستی ده‌ربارێ «پێنگاڤا 15 ته‌باخێ» یا په‌كه‌كێ، د ڤێ زنجیره‌ ڤیدیۆیێن «داركا مازی» دا بزانن

ژ خەتا 15ێ تەباخێ ھەیا خەتا 15ێ شوباتێ؛ د ناڤ پەکەکێ دا چەک و دژواری