ھەڤپەیمانیا عەرەبی: دزیا کەشتیان پلانا سوپایێ پاسدارێن ئیرانێ یە

ھەڤپەیمانیا عەرەبی: دزیا کەشتیان پلانا سوپایێ پاسدارێن ئیرانێ یە

ھەڤپەیمانیا عەرەبی یا ب سەرۆکاتیا عەرەبستانا سعوودی، دەربارێ رەڤاندنا کەشتیان ژ ئالیێ حووسیێن یەمەنێ ڤە ل دەریا سۆر داخویانی دا.

بەردەڤکێ ھەڤپەیمانیا عەرەبی تورکی ئەل مالکی گۆت، “چەکدارێن حووسیان ب دزیێن دەریایی د ئاڤێن ناڤنەتەوی دا یاسایێن ناڤنەتەوی بنپێکرینە.”

مالکی ھەروەھا راگھاند: “دزینا کەشتیان و بۆمبرێژکرنا وان ل دەریایا سۆر ژ ئالیێ چەکارێن حووسیان و ب پلانێن سوپایێ پاسدارێن ئیرانێ دهێتە ئەنجامدان.”

بەردەڤکێ ھەڤپەیمانیا عەرەبی دا زانین کو چەکدارێن حووسیان ل ئەل-حەدیدێ 432 مۆشەکێن بالستیک و 100 بەلەمێن بۆمبرێژکری بۆ ئارمانجگرتنا کەشتیان ل دەریایا سۆر بکار ئیناینە و ئەو مۆشەک ژ ئالیێ ئیرانێ ڤە بۆ حووسیان تێنە شاندن.

مالکی دەستنیشان کر: “مەنسوور ئەل-سەدی یێ تەرۆریست بەرپرسێ دزیا دەریایی یا حووسیان ل بەراڤێن ئەل-حەدیدێ یە و بالیۆزێ بەرێ یێ ئیرانێ ل یەمەنێ حەسەن ئیرلوو ژی د وێ دزیێ دا چاڤدێریا حووسیان دکە.ت”

بەردەڤکێ ھەڤپەیمانیا عەرەبی ھەروەھا راگھاند: “کەشتیا ئیرانێ یا ب ناڤێ ساویز، ژ بۆ ڤەگوھاستنا جەبلخانەیا ئیرانێ بۆ ئەل-حەدیدێ دهێتە بکارئانین.”

پوستێن ھەمان بەش