ل ترکیێ جارەکا دی بھایێ سۆتەمەنیێ ھات زێدەکرن

ل ترکیێ ب ئاوایەکی توند بھایێ لیرەیێ ترکی ل ھەمبەر پارەیێن بیانی داکەت و ژ بەر وێ جارەکا دی بھایێ سۆتەمەنیێ ھات زێدەکرن.

پشتی داکەتنا بھایێ لیرەیێ ترکی ب ئاوایەکی توند ل ھەمبەر پارەیێن بیانی، د مەھا داوی دا چەند جاران بھایێ سۆتەمەنیێ ھات زێدەکرن.

ل گۆر سەندیکایا کارسازێن ئەنەرژی، پەترۆل و گازێ (EPGIS) دیار کر، بھایێ لیترەیا LPG 29 قوروشا ھات زێدەکرن.

EPGIS ل سەر حەسابا خوەیا فەرمی پەیامەک بەلاڤ کر و دا زانین: “ژ 12ێ چلەیا 2022یێ و پێ ڤە، بھایێ لیترەکا LPG 29 قوروشان ھات زێدەکرن.”