مەدیایا ئیراقێ راگھاند؛ ڤێ سپێدێ 15ێ چلەیا 2022یێ ب سێ فرۆکەیێن بێ فرۆکەڤان ئێریشی بارەگەھا ئەسمانییا بەلەدا ل باکورێ باژارێ بەغدایێ ھات کرن، کو ھێزێن ئەسمانی یێن ئارتێشا ئیراقێ تێ دانە.
ھات راگھاندن؛ ھێژ زرار و زیانێن ژ بەر وێ ئێریا درۆنی ناهێن زانین و هیچ ئالیەکێ بەرپرسیاریا ئێریشێ نەگرتیە سەر خوە، ل گۆر راپۆرتێن مەدیایێ، ئاگر ل بەشەکێ بارەگەھێ کەتیە.
بارەگەھا ئەسمانییا بەلەد بارەگەھا ھەری مەزنا سەربازی یا ئیراقێ یە و 64 کیلۆمەتران ژ بەغدایێ دوورە.
د سەردەما شەرێ ھەشت سالان یێ ناڤبەرا ئیراق و ئیرانێ دا بارەگەھا ھەری چالاکا ئەسمانی یا ئیراقێ بوو. پشتی سالا 2003 ھێزێن ئامەریکایێ تێ دا بوون، لێ پشترا رادەستی ئارتێشا ئیراقێ ھات کرن.
