شەش دەمژمێران بابێ خوە ل پشتا خوە کر داکو ڤاکسینێ بۆ دانیت

شەش دەمژمێران بابێ خوە ل پشتا خوە کر داکو ڤاکسینێ بۆ دانیت

وێنەیێ گەنجەکێ خوەجھی یێ ل دارستانێن ئامازۆنێ یێن بەرازیلێ کو بابێ خوە بریە ناڤەندا ڤاکسین لێدانێ، ل سەر مەدیایا جڤاکی ب بەرفرەھی ھاتە پارڤەکرن. ئەڤ وێنە بوویە سەمبۆلا دژواریا ڤاکسین لیدانێ ل یەک ژ دەڤەرێن ھەری دوورێن جیھانێ.

وێنەیێ، کو ژ لایێ نۆژدارەکێ ڤە ھاتیە کێشان، تاو یێ 24 سالی نیشان ددەت کو بابێ خوە واھۆ یێ 67 سالی ل پشتا خوە کریە، پشتی کو هەر دویان ڤاکسین وەرگرتی.

ڤی گەنجی کو بابێ خوە ل پشتا خوە کربوو ژ بۆ کو بگەهیتە ناڤەندا ڤاکسین لێدانێ نەچار بوو 6 دەمژمێران ل دارستانێ بمەشیت.

ئاگاهیێن فەرمی دەستنیشان دکەن کو ل بەرازیلێ 853 مرۆڤێن خوەجیهـ ژ بەر ڤایرۆسێ کۆڤید-19 مرنە.

ل گۆر زانیاریان تەنێ د ناڤبەرا ئادارا 2020ێ و ئادارا 2021ێ دا، نێزیکی 1000 مرۆڤێن خوەجیهـی ژیانا خوە ژ دەست دانە.

تاو و واھو ژ کۆما «زو ناتڤە» نە، کو ھەژمارا وان نێزیکی 325 کەسانە.