لاڤرۆڤ: دڤێت کورد دیالۆگەکا جددی دگه‌ل شامێ ده‌ست پێ بكه‌ن

lavrov-kurd-sham

وەزیرێ دەرڤە یێ رووسیا سێرگی لاڤرۆڤ راگه‌هاند، مۆسكۆ هه‌ول دده‌ت كورد دیالۆگەکا جددی دگه‌ل شامێ ده‌ست پێ بكه‌ن و گۆت: «دڤێت كورد پشتا خوه‌ ب ئه‌مه‌ریكایێ گه‌رم نه‌كه‌ن».

لاڤرۆڤ دوهـ ئینیێ د کۆنگرەکێ رۆژنامەڤانی دا، پشتراست کر کو مۆسکۆ د پەیوەندیێن خوە یێن ل گەل رێڤەبەرییا ئەنجوومەنا سووریەیا دەمۆکراتیک ئیلهام ئەحمەدێ و هەڤکارێن وێ یێن کورد، هەول ددەت کورد دیالۆگەکا جددی د گه‌ل شامێ دا، ده‌ست پێ بكه‌ن.

لاڤرۆڤ ئاماژە کر، حکوومەتا سووریێ ل هەمبەر کوردان هندەک تێبینیێن خوە هەنە و دیار کر، شامێ ژ بیر نەکرییە کو کوردان د قۆناغێن بەرێ یێن شەری دا، دژاتییا وێ كرینه‌.

لاڤرۆڤ ب بیر خست کو به‌ری دو سالان وی د سەره‌دانا خوە یا شامێ و هەولێرێ دا، پشتگری دابوو فکرا بهێزكرنا پەیوەندیێن د ناڤبەرا کوردێن سووریێ و ئیراقێ دا، ب مەبەستا ڤه‌گوهاستنا ئەزموونا کوردێن ئیراقێ بۆ برایێن وان یێن سووری.

هه‌روه‌ها گۆت: پرسگرێکا کوردی نها یەک ژ ئاستەنگانە ل پێشییا دەستپێکرنا دانوستاندنێن بەرفرەهـ و د بەردەوامییا ئاخفتنا خوە دا گۆت، یێن کو چارەنووسا سووریێ دیار دکه‌ن، نە ئه‌مەریکی نە.

پوستێن ھەمان بەش