پشتی رەڤینا هەژمارەکا چەکدارێن داعشێ ژ زیندانا حەسەکێ، حکوومەتا ئیراقێ سینۆرێ خوە دگهل سووریێ توند دکەت و راگههاند، تهرۆریستێن رهڤیایی ههولا دهرباسبوونێ بۆ ناڤا خاكا ئیراقێ دكن.
بەردەڤکێ فەرماندارییا گشتی یا هێزێن چەکدارێن ئیراقێ یەحیا رەسوول بۆ ئاژانسا فەرمی یا وەلاتێ خوە رە راگههاند، هێزێن لەشکەری و ئەولەکاریێ یێن ل سەر سنۆرێ سووریێ کەتینە د رەوشا ئامادەهیێ و چ مەترسی نینه کو چەکدارێن داعشێ یێن ژ زیندانا حەسەکێ رەڤیایی، دەرباسی ئالیێ دی یێ سنۆر ببن.
یەحیا رەسوول تەکەز کر ژی، سنۆر ب کامێرایێن چاڤدێریێ و تێلێن دری هاتییە کۆنترۆلکرن، ژ بلی وێ ژی ب درێژاهییا سنۆری خەندەك هاتنە کۆلان.
ل شەڤا پێنجشەمبا رابووری 20 ڤێ مەهێ چەکدارێن داعشێ هێرشی زیندانا گووێران یا مەزن ل باژارێ حەسەکێ کرن کو دۆرا 5 هەزار چەکدارێن داعشێ تێدا گرتینە و د ئەنجامێ دا ب دههان ژ چەکدارێن داعشێ رهڤینه.