ههروهها تهرۆریست «رهشید» بۆ یهپهگێ دیار كر كو چهك و پێداویستیێن هێرشا سهر زیندانێ، ژ ئیراقێ ژ «هێزێن گرێدای ئیرانێ» و ههروهها میلیشیایێن «سپایێ ئازادی سووریێ» یێ گرێدای تركیێ، بۆ وان هاتینه دابین كرن و گۆت: «هێرشا سهر زیندانێ ل رهققه هاته پلان كرن».
دهقێ دانپێدانا پلاندانهرێ هێرشا سهر زیندانا حهسهكێ كو ل 25/12/2021ێ، مالپهرێ فهرمی یێ ههسهدێ «SDF»ێ بهلاڤ كرییه:
هێزێن سووریایا دهمۆكراتیك ههسهده كو یهپهگه یا گرێدای پهكهكێ بالێ سهرهكی یه تێدا، ب تهمامی ل ژێر باندۆر و كاریگهرییا پهكهكێ دا یه، واته چ تشتهك د ناڤا ڤێ هێزێ دا بێی پهكهكه، یان ژ دهرڤهی ئیراده و فهرمانا پهكهكێ، ناهێته ئهنجام دان.
پرسا گرنگ ل ڤێرێ ئهڤهیه:
ئهرێ بۆچی یهپهگێ بهری 29 رۆژان دزانی داعش دێ هێرشێ كهته سهر زیندانێ و تهرۆریستان رهڤینیت، لێ بهلێ رێ لێ نهگرت و بێدهنگی ههلبژارت؟
ئهڤه ژی دهێته وێ واتایێ كو پهكهكه و «ئیران – حهشدا شیعی یا سهر ب ئیرانێ ڤه» بهشێ سهرهكی یێ ڤێ پیلانێ بوون.
ههگهر پهكهكێ پلان دانابیت، بۆچی ههسهده شهری دكهت ههولا ژناڤبرنا ڤێ پیلانێ دكهت؟!!
رێخستنا پهكهكێ ژ دهستپێكا دامهزراندنا خوه ب ههزاران جوانێن كورد فهدایی پیلانێن خوه یێن ژێر ب ژێر ل گهل دهولهتێن داگیركهر كرینه، د مژارا زیندانا حهسهكێ ژی دا، پهكهكێ و ئیسخباراتا ئیرانێ پیلان دانا و ژ بۆ بجهـئینانا وێ پێشوهخت هزر ل فهداكرنا دههان شهرڤانێن ههسهدێ كرییه، ب گۆتنهكا دی، پهكهكێ پێشوهخت دانابوو ئهو دێ ب دههان شهرڤانێن ههسهدێ كهته قوربانی، واته فهداكرنا شهرڤانان ژی بهشهكێ پیلانا پهكهكێ و ئیرانێ یه و فهرماندارییا ناڤین یا ههسهدێ ژ ڤێ چهندێ بێ ئاگههه.
بۆچی زیندانا حهسهكێ
زیندانا «سیناعه» كو دكهڤیته تاخا گوێران ل باژارێ حهسهكێ، مهزنترین زیندانا داعشێ یه ل سووریێ، ب كێمی 5 هەزار تهرۆریست تێدا نه و ژ وێ ههژمارێ 3 ههزار تهرۆریست ب رهگهز ئیراقی نه، لهوما دهرباسكرنا وان بۆ ئیراقێ دێ ئاسانتر بیت.
ل گۆری پیلانێ یا كو پهكهكێ فهرمان و تهعلیماتێن وێ ژ ئیسخباراتا ئیرانێ وهرگرتینه، تهرۆریستێن كو ژ زیندانا حهسهكێ دهێنه رهڤاندن، دێ بۆ ئیراقێ هێنه ڤهگوهاستن، ب تایبهت بۆ خهتا تهماسێ واته، دهڤهرێن كوردستانی یێن دهرڤهی ئیدارهیا ههرێمێ.
ئارمانجێن قووناغا دوێ یا پلانێ:
