سەرۆکێ ئه‌مه‌ریكا جۆ بایدن رادگه‌هینیت، ئەگەر هێزێن رووسی هێرشی ئوکراینایێ بکه‌ن، ئەو ئامادەیە سزایان ل سەر هەڤتایێ خوە یێ رووسی ڤلادیمێر پوتن بسەپینیت.
سەرۆکێ ئه‌مه‌ریكا جۆ بایدن بەرسڤا پرسەکا رۆژنامەڤانەکی دا کو ژێ پرسی «ئه‌رێ هوونێ ب خوە سزایان ل سەر پوتین سەپینن» بەرسڤ دا، «ئەرێ. ئەز دکارم ڤێ یەکێ بکه‌م».
هەروها بایدن هشیاری دا، ئەگەر پوتین بریارا داگیرکرنا ئوکراینایێ بدەت، دێ “ئەنجامێن گران” ل په‌ی ڤێ بریارێ ده‌ركه‌ڤن.
بایدن پشتراست کر ژی، نیازا ئه‌مه‌ریكا نینه کو هێزێن خوه و ناتۆیێ ڤه‌گوهێزنه ئوکراینایێ.
بایدن پێشبینی کر، ئەو دێ د دەمەکێ نێزیک دا 8500 هێزێن ئه‌مه‌ریكی ڤه‌گوهێزن کو پەنتاگۆنێ رۆژا دوشەمبێ راگه‌هاندبوو، ئەو هێز د ئامادەباشیێ دا نە.
