پشتی بوویەر و ئالۆزیێن ل حەسەکێ و هه‌ولا ره‌ڤاندنان ته‌رۆریستێن داعشێ یێن ل زیندانا گوێران، سەرۆکوەزیرێ ئیراقێ مستەفا کازمی سەره‌دانا سینۆرێ ئیراقێ یێ ل گەل سووریێ و رۆژئاڤایێ کوردستانێ دکەت.
ل گۆر چاڤکانیێن ئەولەهیێ، مستەفا کازمی ئیرۆ رۆژا سێشه‌مبی 26\1\2022ێ ب سەره‌دانەکا نەچاڤەرێکری گه‌هشت پارێزگەها مووسلێ و دێ ژ بۆ شۆپاندنا رەوشا ئەولەهیێ ل ناڤچەیێ و نرخاندنا ئامادەهییا هێزێن ئیراقی، سەره‌دانا ناڤچەیێن سینۆری یێن ئیراقێ و سووریێ بکەت.
بریارە مستەفا کازمی ل گەل بەرپرسێن ئارتێشا ئیراقێ کو چاڤدێرییا سینۆرێ ئراقێ یێ ل گەل رۆژئاڤایێ کوردستانێ و سووریێ دکن، كۆمببیت.
ژ 20 ڤێ مه‌هێ ڤه، داعشێ هێرش كرییه سه‌ر زیندانا گوێران یا ل حه‌سه‌كێ كو مه‌زنترین زیندانا ته‌رۆریستێن داعشێ یه و هه‌ولا ره‌ڤاندنا ڤان ته‌رۆریستان تێ كرن، نێزیكی 3 هه‌زار ته‌رۆریستێن ب ره‌گه‌ز ئیراقی د ڤێ زیندانێ دا نه و خه‌ته‌رییا ده‌رباسبوونا ته‌رۆریستێن ره‌ڤی بۆ ئیراقێ ب تایبه‌ت خه‌تا ته‌ماسێ یا نێڤبه‌را باشوورێ كوردستانێ و ئیراقێ هه‌یه.
