ل بریتانیایێ، دادگەها بلند یا وی وەلاتی، ژ بەر هه‌لگرتنا وێنه‌یێن سەمبۆلێن په‌كه‌كێ، سێ كه‌س جه‌زا كرن و بریارا دوباره دادگه‌هكرنا وان ژی ره‌د كر.
دادگەها بلند یا بریتانیایێ هەرسێ کەسێن ب ناڤێ ره‌حمان پۆر، ئیسماعیل ئاکدۆگان و رۆتندا دەمیر ژ به‌ر هه‌لگرتنا وێنه‌یێن سەمبۆلێن په‌كه‌كێ جەزا کرن.
دادگه‌ها بلند یا بریتانیایێ دەستنیشان کر کو ل گۆری ماددەیا 13 ژ قانوونا دژی تەرۆرێ یا سالا 2000ێ، ئەگەر کەسەک ل دەرڤە تشتەکی بلند بكه‌ت کو ببیته گومان کو ئەندامێ رێخستنەکا قه‌ده‌غه‌كرییه، ئەو یه‌ك وه‌كه تاوان دهێته هه‌ژمارتن.
د بریارێ دا تەکەزی ل وێ یەکێ هات کرن کو ره‌حمان پۆر، ئیسماعیل ئاکدۆگان و رۆتندا دەمیر، ل دەما ئۆپەراسیۆنا دژی عەفرینێ د خوەپێشاندانا 27ێ چلەیا 2018ێ دا سۆمبۆلەکا په‌كه‌كێ کو ل بریتانیا د ناڤا رێخستنێن قەدەغەکری دا یە، بلند كربوون.
هەروه‌ها هات گۆتن کو وان كه‌سان دزانی ئه‌ڤ یێك قه‌ده‌غه‌یه، ژ بەر ڤێ ئه‌و هاتینه جه‌زا كرن و نه‌رازیبوونا ل سه‌ر ڤێ كه‌یسێ كو هاتییه كرن، هاته ره‌د كرن.
