خەلیل بۆزان بەگ ژ مالباتا بەگێن کۆبانیێ و مالباتا مەزنێن بەرازیانن. خەلیل سالا 1955ێ ل کۆبانێ ژ دایک بوویە. پشتی خواندنا خوەیا بەکەلۆریا ل ئەنقەرە زانینگەھا ئەنقەرێ بەشێ سەیدەلیێ خواندیە.
خەلیل پشتی دەمەکێ ڤەگەرەیا رحایێ ژیانا خوە ل ڤێ دەرێ بەردەوام کریە. پشتی کاراسەتا کۆبانێ ل رحایێ کۆمەلەیا ئارکاری و ھەڤگرتنا کۆبانێ ئاڤا کریە و سەرپەرەشتیا ڤێ کۆمەلەیێ کریە. وەک دەزگەھەک سڤیل ل پەنابەرێن کۆبانێ خوەدی دەرکەتینە و خەباتەک ھێژا و بەربچاڤ کریە.
خەلیل ئەندامەکی پارتیا دەمۆکراتا کوردستانێ-ترکیا (کەدەپە-ت) بوو. دەمەکێ درێژ ئەندامەتیا کۆمیتەیا رێڤەبەر و ھەروەھا سکێرتاریەتا گشتی یا ڤێ پارتیێ کریە.
خەلیل بۆزان دلسۆزەکێ رێبازا بارزانی بوو، ھەر د ڤێ چارچۆڤەیێ دا خەباتا خوە کر و سیاسەتمەدارەک ب کەسایەتی بوو.
ب وەفاتا خەلیل بۆزان ڤالەھیەک د رێزێن تەکۆشەرێن ئازادیخوازێن کوردستانێ دا پەیدا بوو.
رۆژا 30/1/2022یێ تەرمێ خەلیل ژ بۆ سپارتنا ئاخێ بەر ب کۆبانێ ڤە دێ هێتە ڤەگوھازتن.
