دادگه‌ها فه‌ده‌رال یا ئه‌لمانیا بریارا دائێخستن و قه‌ده‌غه‌كرنا دو سازیێن رێخستنا په‌كه‌كێ دا، یێك ژێ وه‌شانخانه‌یه و سازییا دن كۆمپانییه‌كا مۆزیكێ یه.
دادگەها ئیداری یا فەدەرال یا ئه‌لمانیا، قەدەغەکرنا وەشانخانەیا « Mezopotamien و کۆمپانیا موزیکێ MIR» قەبوول کر و راگه‌هاند ئەڤ دو سازی د وارێ ژێده‌رێن مرۆڤی و دارایی دا گرێدایی پارتییا کارکەرێن کوردستانێ په‌كه‌كێ، یا نه‌قانوونی یه.
بریارا دادگەها ئیداری یا فەدەرالا ئالمانیایێ رۆژا چارشەمبێ 26/1/2022ێ هاتییه قەبوول کرن.
وەزارەتا کارێن ناڤخوه یا ئه‌لمانیا د سالا 2019ێ دا ل سەر بنگەها قانوونا کۆمەلەیان ئه‌ڤ دو سازی قەدەغە کربوون و هەر دو سازییان ل دژی بریارا وەزارەتێ سكالا کربوون.
پارێزەرێ وەزارەتا کارێن ناڤخوه یا ئەلمانیا فۆلفگانگ رۆته د روونشتنا دادگەهێ دا گۆت: «هەر کەس ئازادە کو مووزیکا کوردی و وێژەیا کوردی بفرۆشیت و بەلاڤ بکەت، لێ نە وەکە رێخستنەکا گرێدایی په‌كه‌كێ».
