سه‌رۆكێ ئیسرائیلێ، ب ژڤانه سه‌ره‌دانا تركیێ بكه‌ت و ل ده‌ربارا سه‌ره‌دانێ، تایپ ئاردۆگان گۆت: چاخه‌كێ نوو یێ په‌یوه‌ندییان ل گه‌ل ئیسرائیلێ دێ ده‌ستپێكه‌ت.
ره‌جه‌ب تایپ ئاردۆگان، سه‌رۆككۆمارێ تركیێ ئیرۆ راگه‌هاند، ئیسحاق هرتسۆغ یێ سه‌رۆكێ ئیسرائیلێ، ل ناڤه‌راستا مه‌ها ئادارا ئیسال 2022ێ دێ سه‌ره‌دانا تركیێ كه‌ت، ئه‌ڤ سه‌ره‌دان ژی ب واته ده‌ست پێ كرنا چاخه‌كێ نوو یێ په‌یوه‌ندیێن خورت ل نێڤبه‌را ئه‌نقه‌رێ و ته‌لئه‌ڤیڤێ دهێت.
ئاردۆگان هه‌روه‌ها ده‌ست نیشان كر كو ئه‌نقه‌ره ئاماده‌یه هه‌مئاهه‌نگیێ ل گه‌ل ته‌لئه‌ڤیڤێ د وارێن جودا دا بكه‌ت.
هێژای گۆتنێ یه، په‌یوه‌ندیێن نێڤبه‌را تركیێ و ئیسرائیلێ ل سه‌ر ده‌ما سه‌رۆكاتییا ئاردۆگان خه‌راب ببوون، تا‌یبه‌ت پشتی كو ئیسرائیلێ 10 كه‌سێن ترك د كه‌شتییه‌كێ دا ل كه‌نارێن غه‌ززه ل سالا 2010ێ كوشتین.
