ڤیان سۆران (لەیلا ڤال) یەک ژ وان ناڤانە کو ژ لایێ پەکەکێ ڤە وەکی سەمبۆل ھاتیە چێکرن. مەرتالەک ووسا پیرۆز ھاتیە بکارئانین کو گەر ھوون بپرسن چما ڤیانێ خوە شەوتاند، ھوون دێ ب خیانەتکار هێنە تاوانبار کرن. لێبەلێ، د تەمەنێ 24 سالیا خوە دا، ناهێتە قەبوول کرن کو خوە شەوتاندن وەکی چالاکییەکا بەرخوەدانێ بهێتە دیتن. دهێتە فام کرن کو گەر مرۆڤ خوە د ناڤا دژمنی دا بشەوتینیت، د پەڤچوونەکێ دا ژ بۆ کو نەکەڤیتە دەستێ دژمنی خوە دا خوە بکوژیت. لێ ژ بۆ خوەپێشاندانا خوە شەوتاندن دهێتە واتەیا کو د ئەنجاما تەنگاسیەکا دەرۆنی دا ئەڤ بوویەرە رووددەت. د ناڤبەرا ژنێن کو ب عاجزبوونا ژ مالباتێن خوە، خوە شەوتاندینە دا، ژنێن کو خوە ب عاجز بوونێ کوشتنە، ژنێن کو دزانن ژ بێھێڤی بوونێ خوە شەوتاندیە و دناڤبەرا شەوتاندنا ڤیان سۆران دا تێکلیەک ھەیە. ڤیان سۆران ژ بەر کو نەدکاری حەز ل ژییانێ بکەت و د ناڤا بارەکێ دەرۆنی یێ خوە کێم دیتنێ دا دژییا لەورا خوە شەوتان.
بەرپرسیارییا ژ ھێزا وێ زێدەتر
ڤیان سۆران ژنەکا جوانە کو ل سلێمانیێ د سالا 1981ێ دا ھاتییە سەر دنێ. ژ بەر کو ئەو تەنێ ژ سلێمانییێ بوو، ھێژ د 19-20 سالیا خوە دا، هندەک بەرپرسیاریێن کو ئەو نەدشییا دەرحەق وان دەرکەڤیت پەکەکێ خستنە سەر ملێن وێ. ھێشتا وێ خوە ناس نەدکر دەما پەکەکێ بەرپرسیارییا پەچەدەکێ کو پارتییا پەکەکێ یا باشوورە دانایە سەر ملێن وێ. ئەو د “پەکەکا باشوور” دا دبیتە رێڤبەر و دکەڤیتە ناڤا رێڤەبەرییا پەکەکێ دا ژی. پرۆپاگاندا ئیدەۆلۆژیکا پەکەکێ ل ناڤا کادرێن خوە دا دکەت و دبێژیت “ژیان خرابە ھەستێن مرۆڤان ژی ژییانا مە قرێژی دکەت.” ڤیانێ ھوسا هزر کر کو ئەو قرێژی بوویە و خواست قرێژا خوە ب ئاگری پاک بکەت.
باشە بۆچی ڤیانێ هزر کر کو ئەو قرێژی بوویە. ژ بەر کو ڤیان ئاشق ببوو. ڤییان ژ لایێ ھەست و سۆزان ب ھەڤالەکێ خوە ب باندۆر ببوو. ئاشق- ئەڤیندار ببوو. لێ بەلێ نە ب تەنێ پەکەکێ ئەڤینداری قەدەغە کربوو، بەلکو ل گۆر پەکەکێ ئاشق بوون مرۆڤان ژ وەلاتی دوور دکەت، ژ شۆرەشگەریێ دوور دکەت، ئەشقێ وەدکر کو ژن ببیتە ژنەکا کەتی، ژنەکا قرێژی. ژ بەر ڤێ یەکێ کەسێن کو ئاشق دبوون تاوانبار دھاتنە دیتن و وان ژی خوە تاوانبار ددیت. ژ بەر ڤە یەکێ ژی ل ژێر فشارەکا دەروونی یا مەزن بوو. راستیا بابەتێ خوە شەوتاندنا ڤیانێ د جەوهەر دا ئەڤ بابەتە بوو. ژبەرکو ڤیان ئەڤیندار ببوو، خوە شەوتاند. ڤیانێ دەستێ ڤی کەسی نە گرتبوو، هیچ پەیوەندیەکا نەشەرعی د ناڤبەرا وان دا نەبوو. لێ بەلێ وێ ژ بەر ھەستێن خوە ل ھەمبەر ئۆجالان خوە تاوانبار ددیت.
ژ بەر کو ل گۆر ئۆجالان و ئایدۆلۆژیا وی ” دڤێت ھەرکەس خوە و ژییانا خوە و ھەستێن خوە ب تەنێ ژ بۆی سەرۆکی ب کار بینیت”. ئۆجالان دگۆت “د دلەکێ دا دو ئەشق نابن، یان دڤێت ئەشقا من کو ئەز تەمسیلا هەموو وەلات و کوردستانێ دکەم هەبیت یان ژی ئەشقا زەلامەکێ هەلبژێرن. ئەشقا من مرۆڤان ئازاد دکەت، ئەشقا زەلامەکێ ژی مرۆڤان کۆلە دکەت”.
ڤییانێ ژ بەر ھەستێن کو تێدا دژیا خوە تاوانبار ددیت. ئەڤە گۆت “ئەز د ناڤ خیانەتەکێ دا دژیم”. وێ ژ بلی سەرۆکێ خوە حەش تشتەکێ کربوو کو د پەکەکێ دا قەدەگە بوو، رێبەرێ پەکەکێ ئەو قەدەغە کربوو. ژ بەر ڤێ یەکێ ڤییانێ د نامەیا خوە دا دگۆت “ئیرۆ ئەز دخوازم ل ھەمبەر هەموو کێموکاسیێن خوە و لاوازییا خوە، خوە رەخنە بکەم و ل ھەمبەر پارادیگمایا ‘مینکا’ نوو ب بریاربوونا خوە نیشان بدەم.”
ئەڤ یەک نیشان ددەت کو د تەمەنەک گەنج دا، ڤیان کەتە ناڤبەرا بەرپرسیاریێن سیاسی، پێکئانینا کەسایەتیا خوە و ژنبوون و پرۆپاگاندایا ھەستییاریێ. ڤیانێ ژی ژ بۆ خوە ژییانەکا رێخستی فەرز دیت، دڤێت ڤیان کامل بیت، دڤێت ئەو کێمووکاسییێن مرۆڤی نیشان نەدەت. ب بەردەوامی خوە رەخنە دکەت و دخوازیت داستانا کاملبوونا خوە بئافرینیت. ھەول ددەت کو بێی کێماسی بیت لێ ئێدی ڤیانێ ئێدی نەدکاری ھەبوونا خوە راگریت.
بۆچی مرۆڤەک 24 سالی ژ بۆی درەنگ خوە کوشتنێ لێبۆرینێ دخوازیت
ڤیان سۆران کەتیە رەوشەکا نەباش دا. خوە خستییە بن بارەکێ خەیالی دا. ڤیان سۆران ژ بۆ بلند بوونەکا مەزن نامەیەکێ دنڤیسیت و د 6ێ شوباتێ دا خوە ل ھەرێما حەفتەنینێ دشەوتینیت. ڤیان سۆران د نامەیا خوە دا دبێژیت: “سەرۆکێ من چالاکییا من ژ بۆ رەخنەکرنا رێھەڤالتیا منا کێمە، دا کو خوە ل پێشبەری مرۆڤ و دیرۆکێ ژ شەرمزاریێ خەلاس بکەم.” ھەمان دەم د نامەیا خوە دا، ڤیان سۆران دبێژیت “ژ بەر کو د ڤێ چالاکیێ دا درەنگ مایمە ئەز لێبۆرینێ دخوازم.” راستیا کو کەسەک 24 سالی ژ ژیان و ھەبوونا خوە شەرم دکەت، سەرکەفتنا پەکەکێ یە. چاوا چێدبیت کو ڤان ھەستا د کادرێن خوە دا ئاڤا بکەی کو مرۆڤ خوەکوژییێ وەکو چالاکی ببینیت. مرۆڤ نە ب ژیانێ بەلکو ب مرنێ دهێنە مەیلدار کرن. ھەستێن مرن پەرێستیێ پیرۆز دکەت.
د جەوھەر دا چالاکیا ڤیان سۆران نۆقتەیا کو پەکەکە مرۆڤ ئیناینێ، دەستنیشان دکەت. ڤیانێ ژ بەر کو نەدکاری تشتێن پەکەکێ لسەر فەرز دکرن ئەنجام بدەت خوە شەوتاند. ڤیان نە سەمبۆلا بەرخوەدانێیە ڤیان سەبۆلا حەقیقەتا پەکەکێ یە کو مرۆڤ خوە دکوژن، ڤیان سەمبۆلا فشارا پەکەکێ یا کو مرۆڤان تینیتە ئاستێ مرەنێ یە. ڤییان سەمبۆلا خاپاندانا مرۆڤان ژ ئالیێ پەکەکێ ڤە یە. ڤیان نها بوویە ئاموورەکێ پرۆپاگاندایێ ژ بۆی پەکەکێ، لێ بەلێ د بنەرەت دا دڤێت لێکۆلینڤان و دەروونناس ل سەر وێ کار بکەن کا بۆچی د ژییێ 24 سالیێ دا هاتە ئاستا خوە شەوتاندنێ، ئەڤە چ خاپاندن، چ فشارەکا مرۆڤاتی یە.
