سەرۆکۆمارێ ترکیێ رەجەپ تایپ ئاردۆگان ب كۆرۆنایێ کەت.
سەرۆکۆمارێ ترکیێ رەجەپ تایپ ئاردۆگان ئیرۆ، 5/02/2021، ل سەر حەسابا خوە یا تویتەرێ راگه‌هاند کو ئەو ب جۆرێ ئۆمبكرۆنێ یێ ڤیرۆسا كۆرۆنایێ کەتییە.
ئەردۆگان راگه‌هاند، «پشکنینا كۆڤید-19ێ کو من و هەڤژینا خوە ئیرۆ ل سەر نیشانێن سڤک پێک ئانی، پۆزیتیڤ دەرکەت، ژ خوەدێ دخوازن ڤێ نەخوەشیێ سڤک دەرباس بكن، ئەم ل سەر ئەرکا خوەنە، ئەم دێ ل مالێ خەباتێن خوە بەردەوام بکه‌ن. ئەم چاڤەرێی دوعایێن وە نە».
بریار بوو ئاردۆگان ئیرۆ بەشداری مەراسیمەکێ ل باژارێ زۆنگولداکێ ببیت، لێ ئاردۆگان ژ بەر نەخوەشیێ نەکاری بچیت و ئەو بەشداربوون ب رێیا ئۆنلاینێ پێک هات.
هەڤژینا رەجەپ تایپ ئاردۆگان ژی ل حەسابا خوە یا تویتەرێ پەیامەک بەلاڤ کر و هێڤییا خوە دەربری کو د دەمەکێ نێزیک دا ژ وێ نەخوەشیێ خلاس ببن و گۆت، «ئەم چاڤەرێی دوعایێن وە نە».
